吳若希榮升何太嫌誓詞講漏揸數
未婚產女的吳若希（Jinny）終於升呢做人妻，在10月10日「十全十美」這個吉日，她與男友Alex在唱片公司辦公室簽字註冊結婚，一切從簡的她連婚紗都欠奉，宣讀誓詞一刻，Jinny未有感動到喊，更搞笑嫌誓詞沒有詳盡寫清楚財產安排。
25歲的吳若希昨日正式成為「何太」，今年四月她為澳門闊少何兆鴻（Alex）未婚誕下寶貝女Giselle，昨日Jinny與Alex在好友玄學家陳定邦擇下的好日及吉時，挑選她的星夢唱片公司位於旺角辦公室內，由律師主持簽字註冊儀式，並邀星夢老闆何哲圖（Herman）為她做證婚人。儀式完結後，Jinny跟何哲圖一起亮相無綫「big big channel」玩直播分享結婚喜悅，晚上一對新人跟朋友們擦蟹慶祝。
「完全浸淫喺歡樂當中！」
一切從簡的Jinny連婚紗都冇着，她穿上背心露腰花花裙，Alex就着西裝，Jinny表示簽字一刻沒有想像中的感動，她笑說：「簽字讀誓詞時，應該好感動講唔到嘢，但我哋完全浸淫喺歡樂嘅氣氛當中。我覺得幾搞笑，但開心嘅。」她開玩笑指誓詞寫得未夠詳盡：「例如婚後嗰啲財產，邊個賺錢邊個管呀！」
Jinny揀選在唱片公司的辦公室簽字是有特別意思，她說：「每一次有重要嘅合約都係喺呢度簽，呢個（簽字結婚）都係人生幾重要嘅合約，所以上咗嚟呢度簽。」她坦言在香港的親戚不多，入行後她一直視Herman為爸爸：「佢一路帶領住我行每一條路，我行錯咗邊度，佢都會拉我返嚟，畀最大支持我，令我對公司好有歸屬感。」
明年外地旅行搞婚禮
昨日註冊儀式未見Jinny囡囡Giselle在場，Jinny解釋今次在香港逗留時間比較長，她怕囡囡辛苦。Giselle的乳名是淼淼，但昨日直播時Herman表示他有份幫淼淼改名，更衝口而出說：「何福茹」！Jinny忍不住笑說：「你咁樣爆出嚟！佢（塊面）下面嗰Part同我一樣樣，塊面好肥，下巴都係好尖，我覺得佢好醜樣又好得意，愈醜樣我愈鍾意。」之前她已透露過不會大排筵席，她坦言好彩家人開通，明年在外地旅行時搞婚禮。
簽字後，Jinny與Alex十指緊扣落樓，兩人笑容滿面，Jinny被問到可習慣叫Alex做老公？她笑說：「OK，幾習慣。」Alex又放閃笑言對Jinny日日都有愛的宣言，兩人晚上再偕圈外好友到銅鑼灣擦蟹慶祝，雖然Jinny戴上口罩，但沿途難掩喜悅笑個不停，對Alex至今都未求婚，Jinny笑說：「快啲逼佢！」Jinny事後在社交網上載，與老公Alex擁抱深情對望的照片，她留言：「請叫我何師奶……希望大家祝福我倆。」晚飯後兩人即乘夜船返澳門。
文：音樂組
|
鍾意就快D Share啦！
|
|
|