掃呢頁CODE去手機

2018年1月18日 星期四

極危險,隨時生得官恩娜照踩高踭鞋 [壹週刊 - 1454] __,官恩娜,M1,

即將生第二胎的Ella,爭取時間同老公湊埋囝囝,行超市享受家庭樂。探熱針極危險,隨時生得官恩娜照踩高踭鞋現年38歲的官恩娜(Ella),15年下嫁混血 ...






即將生第二胎的 Ella,爭取時間同老公湊埋囝囝,行超市享受家庭樂。

探熱針

極危險,隨時生得官恩娜照踩高踭鞋

現年 38歲的官恩娜( Ella), 15年下嫁混血醫生 Juan後,同年誕下囝囝 Garbriel( BeBe G),囝囝已經兩歲大,一直停工湊仔的她去年再宣佈陀第二胎,踏入 2018年,她已經準備就緒迎接細 B出世。

佗住 B超過 36週的 Ella,挺着巨肚孖住老公湊埋仔仔出巡渣甸山超市買餸,同行仲有工人姐姐幫手,已經去到隨時生得階段,但貪靚的 Ellla仍穿上三吋高踭鞋上陣,呢個舉動似乎相當危險!

一家行超市

官恩娜一五年誕下大仔 Gabriel後,一直停工專心相夫教子,但 Keep住在社交網同大家分享湊仔樂,上年 Ella宣布再度懷孕,為咗迎接新生命, Ella就話已經做足準備,不過貪靚的她,每逢出街都堅持化行妝兼着高踭鞋,隨時都以最佳狀態示人。

已經佗 B三十六週隨時都可以生得的 Ella,在一月六日繼續化晒妝扮到靚一靚,一家出動去渣甸山超市買餸,現場所見大肚官恩娜比以往發福不少,為咗貪靚 Ella竟然挺着巨肚,仍然腳踏三吋高踭鞋,同行雖然有工人姐姐幫手照顧大仔,但當仔仔扭計,着住高踭鞋的 Ella即刻反方向倒後行邊氹仔,睇到都覺得危險,萬一差錯腳企唔穩,後果不堪設想。

同老公就分頭行事掃貨, Ella主力選購有營養的食材,而老公就負責選購清潔用品,當 Ella選購肉類期間,仲師奶上身以流利英文詢問職員可否只買自己營養餐單上指定份量的肉類,的確精打細算。







臨盤在即, Ella仍然踩住三吋高踭鞋去超市買餸。





囝囝扭計, Ella突然倒後行氹仔,呢個大肚婆真係好大膽。





Ella老公分頭行事去選購清潔用品。





老公見阿仔餓,即刻去買麵包俾阿仔醫肚。

選擇性接 Job

做咗人妻兼人母後, Ella基本將大部份時間都放在囝囝身上,就連歌唱事業都放埋一邊,一切以家庭行先,只會選擇性地工作。

「 Ella覺得仔仔仲細,嚟緊仲要湊多一個,認為要珍惜大家相處嘅時候,所以佢都繼續會選擇性地接 job,不過真係有好多親子同嬰兒嘅產品搵佢,所以佢都幾 Enjoy做親子產品嘅 KOL,自己有得用之餘又可以賺錢搵埋份錢!」 Ella身邊人透露。







Ella大晒巨肚話隨時生得。





Ella在社交網 po出自己同泵奶用具自拍,同大家宣布一切準備就緒。





Ella在社交網晒大肚寫真。





做咗人妻同人母後, Ella專心在家相夫教子,她更經常同大家分享湊仔經。

撰文:娛樂組

攝影:楊紫、瀚鍾


鍾意就快D Share啦!