熱爆娛樂: 肖建華「被處理」 [壹週刊 - 1454

2018年1月18日星期四

肖建華「被處理」 [壹週刊 - 1454 - 財經] __,M1,

外界對肖建華（中）億萬王國、如何「被處理」議論紛紛，最終可能係阿爺玩晒。

中環人語

肖建華「被處理」

億萬富豪肖建華，上年年三十晚喺四季酒店被挾返大陸，單嘢發生咗話咁快一年。肖建華而家身在何處現況如何？無人知。

哈爾濱銀行（ 6138）是次就被捲入「名單」風波內，錄得升幅。

但呢個月初由明天系所持嘅恒投證券（ 1476），就宣布獲中信集團旗下中信國安，出資九十億元、達四倍溢價收購。消息一出，恒投證券股價一度颷升逾七成！至於明天系在香港的相關股份，如天津銀行（ 1578）、哈爾濱銀行（ 6138）和恒嘉融資（ 379）等，都有不同升幅。

過往市場一直盛傳有出售名單，排晒肖建華待價而沽嘅股份，大家都等執平嘢。今次中信出手，就等於阿爺出手，收歸「國有」，想入貨者無希望。有口痕友分析，過往「民企」變「央企」，成交價都偏高，有無俾足錢就唔知喇。大家只係知消息刺激股價爆升，阿爺手上股份價值已經水漲船高，達到人人有錢賺，此乃箇中的奧妙也！

林順潮「阿二」坐頭位

由著名眼科醫生林順潮打骰嘅希瑪眼科（ 3309），本週一掛牌，曾經爆升一倍，走勢強勁！名利雙收嘅林順潮，根據招股書上年已收取六百六十萬元酬金，多過特首林鄭。佢同老婆李肖婷持有希瑪集團最多七成權益，講緊係三十六億元。

話說眼科有兩大高手，排頭位嘅叫何志平，林順潮永遠做「阿二」。何志平幫過港澳辦前主任姬鵬飛醫眼而「得寵」，由醫轉為從政，做過全國政協兼香港民政事務局局長，點知人生最高峰時捲入跨國賄賂案，分分鐘成階下囚。相反林順潮而家泊住最紅嘅馬化騰搵食，都不得不嘆一句：時也命也！

林順潮由醫生變上市公司

主席兼行政總裁，真係瞓着覺都識笑。

美國聯邦法院於一月九日就

何志平單案首次開庭，何志平

否認控罪，但庭上並無討論

保釋，令當事人失望。

飲鮮橙汁溝可樂

新地郭家告到去英國嘅官司，仍未有判決，不過近排郭炳湘就相當高興，事關尖沙咀帝苑酒店旗下五間餐廳：包括東來順、 Sabatini、稻菊、帝苑軒及 Le Soleil，都一併獲 HK Tatler頒發「 2018年度最佳餐廳」。對食好有要求嘅郭炳湘，除咗當正帝苑做飯堂，仲親自喺世界各地引入食肆及菜式。

Sabatini有一款神秘飲品，熟客先會識叫，就係鮮橙汁溝可樂。話說有位客人有此要求，其他客人有樣學樣照叫，結果成為咗餐廳招牌飲品，每杯盛惠 70蚊，算係貼地！