尋晚《流氓大亨》大結局，萬子同嘟姐呢場戲網民都話好經典呀！
無綫經典劇集《流氓大亨》尋晚播出大結局，唔少網民都話：「等咗成個月，終於so what喇！」講緊嘅就係萬梓良（萬子）喺劇中長達七分鐘嘅獨白。喺劇中身為鄭裕玲（嘟姐）老公嘅萬子，睇住自己最愛嘅人昏迷不醒梗係傷心欲絕，所以萬子就喺嘟姐身邊講咗一段深情嘅表白。雖然全程只係見到萬子一個人做獨腳戲，不過睇見佢嘅表情、動作，再加埋佢突然大嗌「So What！」嗰一吓，真係每一個shot都feel到好強烈嘅感情，完全令到一班觀眾都入晒戲！
續集等極都冇
之前鄭裕玲（嘟姐）就曾經講過，呢一幕咁經典嘅場面，全部都係由萬子親自諗出嚟，而且拍攝嘅時候，幾乎係一take過，所以話真係少啲功力都搞唔掂呀！一班網民睇晒成套劇之後，都話以前啲戲好正「神劇 萬子真係好好戲」、「最後幾分鐘真係好神 以前啲恩怨情仇劇點解咁鬼正」，亦有人話最尾嘟姐喺眼角嗰一滴眼淚先係經典中嘅經典，睇到喊涊添呀！仲有人笑言因為嘟姐嘅一滴淚，令佢以為會有續集，點知一等就等咗三十幾年。此外，亦有唔少網民討論如果自己係萬子，到底會選擇劉嘉玲定係嘟姐呢？
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|