紅姑仍想念張國榮～
女星鍾楚紅（紅姑）出席Louis Vuitton活動，有段時間未有露面的她表示到了歐洲及熱帶地方旅行，她說：「影咗啲相。（再出影集？）仲未有idea，要組合啲相，每次去旅行都會帶好多攝影工具，不過依家化愈來愈簡單，用手機都可以影得好靚，科技可以幫忙留住美景同事物。」
今年4月1日是張國榮（哥哥）逝世15周年，紅姑稱哥哥一直在她心中，不需要任何儀式，亦沒有重溫以前兩人拍過的經典電影，不過當重返兩人曾合作拍戲的場地，例如巴黎，經常會想起對方：「我成日去法國，對巴黎情有獨鍾，當地嘅花好靚，會去博物館同睇展覽，唔會覺得悶，我又會搭當地嘅地鐵同巴士，好自在，又會去買餸，生活好簡單。（冇人認得你？）我唔會着到好光鮮，好隨意。（你喺當地有冇物業？）我好多朋友喺法國有物業，有時住呢度，有時住嗰度。（喺香港唔搭得港鐵？）有需要都會搭，但我好難喬裝，我以為人地唔會認得我，原來都認得，但如果唔認得我會好開心。（喺香港都會去街市買餸？）會，同啲人係好朋友，佢地會教我點煮，我鍾意去好街坊嘅地方。（會出烹飪書？）巿面太多，想用另一種形式，可能拍片，如果出都會朝拍片呢個方向。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|