律師幫梁漢文向法官求情。
歌手梁漢文（Edmond）今年1月23日凌晨涉酒後駕駛被捕，被控不小心駕駛及酒後駕駛，案件今日下午在東區裁判法院提堂。梁漢文承認兩項控罪，法院宣布梁漢文可以繼續擔保，及索取社會服務令報告，押後至4月6日判刑。
Edmond的律師幫他求情，指被告是初犯，律師解釋說：「當晚被告同太太在君悅酒店食完飯飲完酒，佢冇揸車，係搭的士返屋企，返屋企後太太唔舒服，而被告就睇緊電視，但突然醒起第二朝要送爸爸到醫院覆診，所以就返去酒店揸番架車返屋企，點知回家途中，因為電話跌咗落腳度，佢用左手搵電話，搞到架車一時失控撞到去啲欄桿。」
律師續說：「被告知道飲酒後唔應該揸車，佢駕駛紀錄良好，只係得一次320元罰款，考慮過佢唔會再犯，而且佢係一個負責任嘅人，事後都有問及相關部門有關佢撞毀欄桿賠錢一事，而且佢發聲明表明知道自己係犯錯，亦唔會再犯，事件中冇人受傷，佢自己亦冇受傷。」
律師亦指出梁漢文因為這件事受到好大挫折，大陸的廣告及工作都因為這件事而取消了，他都接受這事，因為他知是自己的錯，律師又提出3件案例去參考，並指被告是香港有知名度歌星，已知道自己做錯，懇請向法官提出社會服務令的要求，法官逐安排案件於4月6日再審，先索取社會服務令報告再判決，梁漢文獲准繼續擔保。
來源 source: http://hk.on.cc
|
鍾意就快D Share啦！
|
|
|