掃呢頁CODE去手機

2018年3月25日 星期日

嗯哼大個仔喇!霍思燕勁感觸:真的長大了 __,

真係大個仔喇!講到「嗯哼」呢個名,相信大家有睇過內地真人騷《爸爸去哪兒5》,都對佢印象非常深刻,皆因佢年紀小小已經好有自己諗法,加埋佢成日喺節目內賣萌 ...


真係大個仔喇!


講到「嗯哼」呢個名,相信大家有睇過內地真人騷《爸爸去哪兒5》,都對佢印象非常深刻,皆因佢年紀小小已經好有自己諗法,加埋佢成日喺節目內賣萌,憑住佢呢個萌到爆樣子,又點會吸引唔到一班網民歡心,簡直係愛死佢咁話呀!

近日嗯哼孖住媽媽霍思燕齊齊上親子騷《媽媽是超人3》,新一集中見到霍思燕同嗯哼嚟個深情對話,霍思燕問嗯哼:「你想讓媽媽變超人?」「嗯哼」搖頭話:「我不想幫媽媽變超人!」之後思燕再話:「你是不是以為媽媽變超人後,就會變得特別忙,不在家陪你?」嗯哼個樣變得好唔開心咁點頭兼話:「媽媽一直休息,一直在家陪我。」思燕已經眼濕濕,再問嗯哼:「你知道你第一次上幼兒園,我為甚麼哭?」嗯哼立即整個反白眼樣兼搖頭,思燕就捉住佢小手:「捨不得你長大,捨不得跟我分開。」睇到呢幕又點唔令人感動,所以話「世上至有媽媽好,有媽的孩子像個寶」。真係睇到淚流滿面,有網民仲搞笑話第一集已經咁感動,之後嗰啲點算!

之後就再考驗佢兩母子默契度,第一題係嗯哼眼中媽媽最愛吃的東西,思燕就話辣火鍋,嗯哼都秒答:「辣火鍋,那麼簡單。」第二題係嗯哼眼中最喜歡媽媽帶他做甚麼,思燕話:「遊樂場或買玩具」點知嗯哼竟然答:「我最喜歡滑雪,我覺得滑雪特別爽。」身為媽媽嘅思燕好感觸:「他真的長大了,他不是只玩塑膠球,一個男孩了。」一班網民都話嗯哼確實長大了,真係好乖巧,隔住個mon都想錫佢一啖,天呀!嗯哼真係好可愛!

網民有話兒:

MNSXXADXXX:嗯哼在媽媽前說話都好嗲。

TINXX KXX:嗯哼真的是小太陽。

KAXXZMNCX:第一集已咁感動,之後嗰啲點算!

GIXXQWLLOCX:嗯哼長大了,真係好乖巧。


來源 source: http://hk.on.cc
鍾意就快D Share啦!