掃呢頁CODE去手機

2018年3月25日 星期日

【與神對唱】搵黃子華合作 古巨基:呢首歌只有佢能幫到我 __,子華,古巨基,黃子華,

近期黃子華紅到爆,佢做嘅《棟篤特工》收四千幾萬票房,七月嘅棟篤笑唔使做宣傳都爆到撲唔到飛!基仔就醒啦,一個冷手執個熱煎堆,搵嚟子華神featuring ...




近期黃子華紅到爆,佢做嘅《棟篤特工》收四千幾萬票房,七月嘅棟篤笑唔使做宣傳都爆到撲唔到飛!基仔就醒啦,一個冷手執個熱煎堆,搵嚟子華神featuring新歌《子華說》,與神對唱好有gimmick!

「真係無計個timing,唔係計出嚟,而家大家啱啱聽到《子華說》呢隻歌,本身我真係做緊廣東碟,而本身呢個騷亦都唔係呢個時候發生亦係真嘅,大家都知道五月天喺紅館個檔期,因為場地調動唧咗出嚟,之後有唔同歌手去攞咗,我係其中一位攞咗呢個檔期嘅歌手,本身演唱會都係一個突發嘅驚喜,所以你話派歌、timing唔係設計出嚟。點解我要定《子華說》呢個名,因為子華喺好多嘅棟篤笑,或者喺好多戲裡面有好多金句,其實道盡咗香港人唔同時候嘅心聲,所以香港故事呢個概念,我覺得呢首歌、內容只有佢能夠幫到我,所以我就搵佢,約佢食飯,跟住問佢,所以要非常多謝佢,出口幫助。」基仔興奮地說。

雖然子華神幫口重要,但係聽得出基仔唱呢首歌時改咗唱腔!「係因為首歌嘅內容,子華負責rap,我負責唱,而我唱嘅部分,當然要配合埋Mark寫嘅旋律,喺我角度,演繹嘅時候,我覺得子華嘅金句嗒出有味,其實有啲似宗教嘅感覺,所以有種宣揚嘅語氣,去演唱我嗰部分,所以除咗我之外,其實子華都係咁,因為佢嗰部分雖然好豐富,因為係集合咗佢講過嘅金句,但係唔可以就咁集合,會好亂,大家會覺得只不過係雜錦,所以林夕將唔同嘅金句分配再理順好,變咗一篇大家聽得好順暢嘅歌詞,跟住子華再重新演繹嘅時候,嗰個情緒、表情,再加上演技,就變得非常精彩。」

《子華說》就好似與神對唱咁,分分鐘可以成為另一首網絡神曲!基仔就好謙虛咁話︰「大家鍾意就好,我都係想喺碟裡面有啲記錄,而呢首歌都算係子華一啲心血上嘅記錄!」

相關新聞:

【好愛Lorraine】自認浪漫兼係好老公 古巨基:我哋唔係淨係工作夥伴,係伴侶!

http://bit.ly/2I1gFOe

【學周慧敏唔要歌酬】明益本土樂迷 古巨基:今次係香港特別訂製嘅版本

http://bit.ly/2pBwPqI



鍾意就快D Share啦!