古巨基5月紅館開騷喇，唔知今次有咩驚喜俾大家呢？「因為本身係一個巡迴緊嘅演唱會，而家返到嚟香港站，但係返到嚟香港站想係一個叫做為香港特別訂製嘅版本，包括全新歌單、全廣東歌，然後製作上包括舞台服、巨型道具同埋影像上嘅，都會特別為香港站做新嘅，所以想帶個『香港特別版』俾呢一站嘅所有觀眾，同之前tour做緊嘅唔同。」
周慧敏之前開嘅入行三十周年演唱會，基仔做佢嘅個唱總監，個個睇完都話個製作好正，又俾人睇到另一面嘅周慧敏，基仔有咩感覺呢？「我其實好開心，因為之前做周慧敏演唱會總監，之前淨係幫自己做過，以前演唱會都做好多幕後工作，包括諗idea，無論場景，甚至乎衫我都有俾啲意見，除外自己以外就真係做周慧敏呢一次，喺迴響上令到我好滿足，因為歌手以外嘅幕後崗位，大家覺得都幾好嘅反應，係好開心。」
咁基仔會唔會好似周慧敏咁，將歌酬放埋落製作上咁大愛呢？「上次周慧敏就係，佢不惜工本 ，佢開騷唔係為咗歌酬，係為咗做好個製作，我個case都係，我個人都係咁，即係唔會先諗自己要袋幾多錢，係掉番轉頭要使幾多錢去做好嗰件事緊要啲，今次因為係全新嘅版本，有好多新嘅製作要加落去，呢排都仲開緊會，可能擒日開完會之後，今日我又諗到一個新構思，又會提出，所以要到接近開騷前先知道，最後製作費會去到幾大。」
相關新聞：
【好愛Lorraine】自認浪漫兼係好老公 古巨基：我哋唔係淨係工作夥伴，係伴侶！
http://bit.ly/2I1gFOe
【與神對唱】搵黃子華合作 古巨基：呢首歌只有佢能幫到我
http://bit.ly/2G9V0Tg
來源 source: http://nextplus.nextmedia.com
|
鍾意就快D Share啦！
|
|
|
