宋熙年話想返澳洲見吓爹哋媽咪呀。
藝人宋熙年（Sarah）出席2018《愛彼女皇杯》獲選參賽馬匹名單公布會活動，並擔任活動的主持人。現場所見懷有身孕的她身穿銀色低胸長裙和銀色高跟鞋，她表示這是為了尊重今天的場合和活動：「我上樓梯都有啲驚驚哋，一陣上完台會換番平底鞋，安全啲。（老公係咪好緊張？）佢好緊張，連我食嘢、坐姿、企姿佢都關心，我諗係我哋第一次有BB，佢好多嘢都唔識先會咁。」
仲未知BB性別
Sarah表示懷孕初期略感疲倦，同時食慾亦大減，普通人更以為自己消瘦了。她說：「依家情況好咗好多，食多咗嘢，希望自己唔會發福好多啦。（依家係咪佗咗四個月？）醫生話依家係懷孕中期，我好enjoy呢段時間。我哋最近想去旅行，過埋最後一次二人世界旅行。（你哋諗住去邊？）未諗好，不過我想返澳洲見吓爹哋媽咪。（你哋知道BB性別未？）暫時未知男定女，醫生話BB好曳成日遮住，所以要等做埋最後一次Scan先。」此外，Sarah直言：「其實依家男女都無所謂，最緊要BB健康。等到時想追多個嗰陣，先再諗BB性別。」
來源 source: http://hk.on.cc
|
鍾意就快D Share啦！
|
|
|