【新增動新聞】
港珠澳大橋東西人工島被質疑防波堤崩塌事件惹公眾關注，有市民於本周一下午約3時半在飛機上拍攝到其中一個人工島的防波堤消失，出現一個缺口。根據天文台資料，影片拍攝當日下午約3點半，人工島附近的大澳水域正值潮漲，水位漲至1.74米。土木及結構工程師蘇耀坤認為，今次防波堤出現缺口與水漲無關，「就算水漲，高空都會望到水底嘅扭工字塊〈弱波石〉。」
轉載這片段的前香港民進黨負責人、現為網台主持人的楊繼昌今日接受《蘋果》表示，其朋友是於本周一由歐洲經多哈返港，在航機上拍攝窗外風景時，拍攝到港珠澳大橋，發現其中一個人工島的防波堤消失，出現一個缺口，大感震驚，「佢純粹喺飛機上睇到報紙先知人工島呢單新聞，佢鍾意影飛機上嘅雲，順便咁啱影到呢件事，佢影嘅時候好清楚見到嗰缺口，點解會一單咁大嘅工程，好明顯圍著嘅防波堤會有咁大嗰窿。」
楊承認，拍片人未能分辨疑似有缺口的是東、西哪個人工島，但事件已引起不少網友討論，「「究竟係東人工島定西人工島嘅問題，抑或純粹水漲浸咗，水退時會見得番？但就算係咁，設計同政府與內地管理局嘅講法好明顯不同，並非原先嘅設計，唔會專登有嗰窿喺度，路政署理論上係技術官僚，應按事實話俾市民聽呢嗰建築係有問題定冇無問題，如果按照宜家睇到嘅情況，你都夠膽話冇無問題，我覺得佢哋本身嘅技術知識係有好大嘅專業精神嘅質疑。」
工程師蘇耀坤看過有關影片後表示，上次弱波石「隨機」擺放的東人工島，圍邊為紅色磚，今次影片拍到的人工島圍邊為灰色磚，相信是西人工島。他指根據立法會議員范國威上周三（4日）曾展示兩個人工島的相片，當時西人工島島尖已出現一個缺口，懷疑防波堤已被大橋管理局「清走晒」。他指此舉會進一步危害人工島安全，「因為海浪每日不斷拍打人工島，所以需要防波石抵消浪嘅沖擊力，如果無咗防波石，結構就會不斷被水不停咁拍打，就算係石頭都會撞穿嗰窿，人工島嘅結構會被侵蝕。」
蘇耀坤指兩個人工島近海底隧道口的位置較低，根據港珠澳大橋管理局回覆香港質詢報告，中間凹位的防波石被水蓋過，「如果呢個係佢設計，係好有問題，啲浪係水嘅面上面，而唔係喺水底下，啲浪係要靠佢喺水面嘅深度嘅力托著冚落岸邊，〈防波石〉應該同浪差唔多嘅高度，但見到完全浸喺水底，又唔見有嗰浪嘅跡象，即係防波石嘅高度唔夠，因為你無浪都已經浸晒，你點可以防波呢？」
對於當局聲稱這是原本設計，蘇耀坤反駁「就算係設計，高度無咁高嘅情況下，應該起碼預擋4米高嘅浪，你都要高過最高水平線4米咁多，先至可以擋4米嘅浪，但現時水位已經浸過晒啲石，乜嘢浪都擋唔到。」
路政署長鍾錦華日前實地視察港珠澳大橋人工島後，在記者會上表示，全盤接受大橋管理局解釋，指現時扭工字塊（弱波石）散落海面的擺法是設計原意，又力撐設計具備「科學性、合理性、安全性」。
|
鍾意就快D Share啦！
|
|
|