微晒線頭尊重場合。
歌手迪子去年客串過兩部電影，所以有機會成為金像獎頒獎禮的座上客之一。盛裝出席的她得到很多讚賞，她笑說：「佢哋話原來我可以仲好啲，問我平時可唔可以都化個咁嘅妝。乜我平時好差咩？可能我真係要惡補吓化妝！」她透露這次造型並非自己負責，髮型要多謝Renton Hung，化妝就多謝Pinky Ku：「條裙係我好朋友Kev Yiu幫手。我同呢班朋友一齊成長，佢哋依家都好叻，我真係要再加把勁，再努力啲。」迪子指與Kev識於微時，對方現在和胡杏兒合作在香港及上海開店：「呢條裙係佢早期嘅Design，我覺得好適合我，我鍾意清啲、簡單啲，同埋唔想太性感。」
說到前輩楚原的得獎感言，迪子表示現場聽到不少哭聲：「好有意思，短短幾分鐘講咗人生係乜嘢嚟，我諗全場都係得佢夠資格講乜嘢係人生。」至於與「最佳女主角」得主毛舜筠及「最佳男配角」的姜皓文等集郵，迪子稱得獎者都忙於做訪問，只能傾到一兩句。
工作方面，迪子最近忙於做碟、寫書和拍照：「我出每首歌都會寫番啲文章，因為每首歌都好似電影咁有個故事。同埋應該會出黑膠碟，有一首歌已經錄好，希望書展前推出，但仲有一首歌未錄，要快啲！所以呢排都匿埋做嘢，會少啲去公開場合，除非一早應承咗朋友。」
來源 source: http://hk.on.cc
|
鍾意就快D Share啦！
|
|
|
