熱爆娛樂: 【捱得好辛苦】爸爸與癌魔搏鬥袁偉豪心情勁差：可以話倒數階段 _

2018年4月17日星期二

【捱得好辛苦】爸爸與癌魔搏鬥袁偉豪心情勁差：可以話倒數階段 __,癌,袁偉豪,

袁偉豪(Ben)、唐詩詠、朱晨麗、黃長興等今日喺尖沙嘴出席新劇宣傳，袁偉豪於劇中要以接吻偷取時間續命，袁偉豪受訪時頗有感觸，原來袁爸爸同樣在生命倒數，呢個時段播都覺得好啱。

袁偉豪曾透露爸爸患過鼻咽癌，曾經好番，但近年復發連肺部都有事，最近情況更轉差，Ben一臉憂心話：「爸爸身體唔係幾好，已經搏鬥好幾年，係癌症，可以話係倒數階段，但都要去面對。」拍攝時有冇影響心情？佢話：「有啲，但盡量唔想影響工作，o依家後生有能力，就盡力去承擔，唔想令照顧爸爸嘅媽咪擔心。」Ben直言拍劇時最辛苦，因為好多時都係最早埋位，但最遲收工，搞到眼袋好似雞蛋咁，佢苦笑話：「個殘樣都幾適合呢個就嚟死嘅角色。」

詩詠透露新劇係以科幻愛情作包裝，畀人反思時間嘅重要性，佢話：「教人只要堅持就會見到曙光。(咁你感情現曙光未？)好遠呀，仲行緊去。」佢覺得除咗愛情，都要諗吓有乜仲可以令自己開心，改變思想同人生方向，令另一半一齊向前行。對於好友古天樂同姜皓文都喺金像獎攞獎，詩詠話都有恭喜兩位。

而朱晨麗就預告喺劇中會有性感演出，佢話﹕「會跳鋼管舞，練習嗰陣好多高難度動作都做唔到，搞到好down，但諗到BB都係要學爬先，就繼續努力練習。」

精選娛聞，喺晒《娛果》

http://fb.com/appledailyent

袁偉豪宣傳新劇，個樣都冇乜心機。		袁偉豪透露爸爸生命正在倒數。
袁偉豪話會盡力去承擔，唔想令照顧爸爸嘅媽媽擔心。	唐詩詠話有恭喜古天樂同姜皓文。	朱晨麗喺新劇將會上演跳鋼管舞。