2018年4月17日 星期二

港片萬歲VS中國電影論秋生古仔堵成龍 「我睇唔到佢」 __,秋生,古天樂,古仔,成龍,黃秋生,

■秋生借自己的名字撐港片不死,反擊成龍「只有中國電影」論。攝影:葉君海【第37屆香港電影金像獎之明撐港片】出爐影帝古天樂跟曾兩奪影帝的黃秋生前晚出席第 ...


■秋生借自己的名字撐港片不死,反擊成龍「只有中國電影」論。攝影:葉君海

【第37屆香港電影金像獎之明撐港片】出爐影帝古天樂跟曾兩奪影帝的黃秋生前晚出席第37屆香港電影金像獎頒獎禮時,在台上不約而同為香港電影打氣,強調「港片不死」,明顯有的放矢,堵住成龍早前揚言只有「中國電影」的厥詞。秋生表示「我睇唔到佢」,他的講稿預備了一星期,目的是為香港電影帶來鼓勵。

黃秋生前晚出席在尖沙嘴文化中心舉行的第37屆香港電影金像獎頒獎禮,為最佳編劇頒獎。在頒獎前,他先以自己的名字為港片打氣,發言指香港電影好有生命力,到秋天又再復生。結尾時,秋生借編劇創作要有「出人意表」或者「情理之中,意料之外」,他說:「例如出年仲有冇香港電影呢?嗱,呢個就出人意表,你估唔到。但情理之中,意料之外呢,就係,喂,我哋年年都有香港電影喎,好合理吖!係咪呀?」明寸當時在場、曾發表只有「中國電影」論的成龍。



■秋生的言論太深或者台下不敢表態,所以一片寂靜。電視圖片
■古仔首度奪金像獎影帝,表示要做好香港電影。
■古仔上台領獎前,跟成龍擁抱。電視圖片

仲有段未講

秋生昨日接受本報電話訪問時說:「吓,我仲以為大家聽唔明,開頭大家仲有笑,尾段冇晒反應。」他表示整段講稿度了一星期,因為要先讓大會過目及配合手語,大會亦沒有修改。他說:「創作嘅嘢,一路個心有個concept,我只係未諗到點收個尾,最後返番去香港電影,想帶出少少鼓勵,為香港電影打氣。」

為香港電影打氣,秋生笑言內容只是切合大會主題:「成日都話香港電影已死,我唔係要話邊個,我想講成段嘢唔係針對佢(成龍),我睇唔到佢,唔知佢喺度,可能台前啲機遮晒,我只見到文雋。」在網上獲網友激讚,但現場觀眾卻反應沉默,秋生自言意料之外。他表示講稿中有一段遺漏:「我想講黃咗,即係少少枯萎咁解,不作其他解釋。因為我聽到有笑聲,就唔記得講。其實黃字即係我個姓,費事大家將顏色作誤解。」秋生笑言成龍為人大量,不會將自己一番話記在心。



■各大電影公司前晚為金像獎舉行集體慶功宴,情況有點混亂。

拒評論他人

前晚古仔首度獲封金像獎影帝,他在台上一番感言亦明撐港片,發人深省,他說:「其實呢幾日好緊張,攞定唔攞呢?但我坐喺度成晚,我發覺最緊要嘅係,我哋香港人點樣做我哋香港電影。」古仔借楚原的一句話,勉勵香港電影不要放棄,他說:「我好想講嘅就係,我哋香港人今日一定要團結,我哋一定要做好香港電影。呢個係我好想講。」古仔在慶功宴上受訪時,被問到秋生「掌摑」成龍的言論,他說:「每個人有自己嘅表達方法,佢只係講自己想講嘅嘢,我就唔評論第二個。」

採訪:陳杰、張俊鉻

攝影:林賓尼




鍾意就快D Share啦!