原來要開金像獎會，唔怪得之
藝人肥媽出席耍太極活動，老公亦有陪同。問到平時可會耍太極？她坦言很少，平時做最多的運動是與老公打高爾夫球，問到幾耐打一次？她表示：「一放假就會打，好似嚟緊25號我同老公都會去沙巴打高爾夫球。」她表示平時會跟成家或好友一齊去旅行，但今次就只是與老公二人世界，她表示：「因為啲孫要返去英國讀書，所以就我哋兩個放吓假先，我哋今次去八日，一來一回扣埋搭飛機得返六日玩，今次主要係去食海鮮同打波，畀我抖吓啦。」
她又表示昨晚去完曾志偉的壽宴，現時仍然聲沙，又大爆志偉今次冇飲醉：「成龍大哥睇實佢，識咗佢成幾十年，第一次見佢11點幾12點後都未醉，冇可能。（佢飲少咗？）唔畀佢飲，但我唔夠膽，係成龍大哥唔畀佢飲，因為佢哋晏晝好似有個金像獎會議要開，成龍大哥坐咗喺度唔畀佢飲。」
來源 source: http://hk.on.cc
|
鍾意就快D Share啦！
|
|
|
