陳漢娜最近喺影壇發光發亮。
24歲影壇新貴陳漢娜（Hanna）不同於普遍女星Sell親切開朗，她不笑的時候有種冷若冰霜的距離感，在鏡頭內有一種特別的氣質，但當她笑的時候擠出酒窩，亦不失甜姐兒感覺。對於被封為「新文青女神」，Hanna直言嗜好文靜，例如睇戲、睇書、畫畫，喜歡的運動都是一個人跑步，不過慢熱的她跟好友相處時也可以勁嘈吵。
繼在電影中飾演古天樂女兒後，Hanna將與林家棟、任賢齊等合作並擔正女主角，前途無限，但她直言入行是無心插柳，小時候完全冇表演欲，反而想做幕後：「細個冇諗過做演員架！我讀美術、設計，我好鍾意電影，諗住畢業後係做幕後，可能係緣分，令我有機會演戲，依家仲愛上做演員。（細個有冇參加過演戲？）真係冇架！冇玩舞台劇、劇社，驚面對好多人，成為全場焦點好緊張！但入行後要克服，試過做宣傳，側邊好多勁人，到我上台講嘢，緊張到聽唔到自己講咩，依家叫好咗啲。」
Hanna曾飾演反叛少女角色，因離家出走到泰國最終慘被殺害，她直言對這類題材較黑暗的電影情有獨鍾，之後想繼續挑戰：「其實我咩都想演，令自己不斷進步，但我鍾意睇啲比較Dark嘅戲，想做殺人犯、精神有問題嘅角色！平時我個人太正經喇！要做啲唔同嘅嘢。」Hanna直言因外型被框了多數演陰沉角色，甚少有人找她演活潑角色，但自認其實也有喜劇天分：「最近有劇組人員話我啱做諧星，可能講嘢太白痴，證明可以試吓做喜劇，不過我知好難演。」
場地：Goobne Chicken 鳴謝：Barry＠relaxdearhk
化妝：Chichi Li 髮型：will yu＠the attic
來源 source: http://hk.on.cc
|
鍾意就快D Share啦！
|
|
|
