家樂化身護花使者出席時裝活動。
藝人陳家樂出席時裝活動，擔任護花使者的他即場擺出三款冧樣，他表示由細到大經常冧媽咪：「自己冇乜叻，冧媽咪幾叻，我細個個樣似女仔，男仔似女仔樣冧媽咪好得意，以前啲師姐見親我就搣我塊面，miss叫我做囝囝。」由細到大異性緣不絕的家樂直言讀書時有女仔主動追求他，但自爆當時身材矮小，直至中四才飆高，故無緣做校草。
否認余香凝拜金
早前與家樂拍拖三年多的女友余香凝，被指移情別戀搭上保險界新歡Victor，慘「被分手」的家樂今日回復笑臉，問他心情是否已平伏？他指一直平伏，只承認消瘦是為工作，不是情傷，他說分手惹來太多關注：「誤會咗，其實唔係咁，睇到嘅事唔係真係咁，係當下一啲壓力。（話余香凝之前都試過一腳踏兩船？）有人同我講，以前感情事唔想提，余香凝係一個好女仔，唔想講太多感情事。（話當時你係第三者？）唔回應喇！私人感情事，希望關注番工作。（你知唔知當時係第三者？）都分開咗，唔回應太多。（話余香凝用男友陳秋山啲錢買嘢畀你？）事實唔係大家睇到嘅嘢，但好多人選擇去睇一啲、去相信一啲唔係事實嘅嘢，我回應大家又唔相信。（個女仔好似負面再負面？）希望畀啲空間我哋，佢好無辜，大家睇到我有壓力情緒出現，有主觀判斷，但唔係事實。」家樂否認對方拜金，並指兩人拍拖時亦冇送過名貴禮物給余香凝。他續指與余香凝已沒有聯絡，但有透過互相的朋友問候對方。
來源 source: http://hk.on.cc
|
鍾意就快D Share啦！
|
|
|