網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年6月26日 星期二

【狗仔出更】三奶瘦咗又靚咗 鄧兆尊︰我不嬲唔睇樣! __,鄧兆尊,兆尊,

採訪︰徐錦池
已故慈善伶王新馬師曾嘅長子鄧兆尊,出晒名享齊人福,似足「現代版韋小寶」,搞得掂佢班「3C女友」,包括大婆Carmen、二奶車厘子Cherry同三奶Cl ...


已故慈善伶王新馬師曾嘅長子鄧兆尊,出晒名享齊人福,似足「現代版韋小寶」,搞得掂佢班「3C女友」,包括大婆Carmen、二奶車厘子Cherry同三奶Claire,男人們咪話唔羨慕。

日前,鄧兆尊喺銅鑼灣出現,染咗頭髮、戴住眼鏡,仲有啲凸腩嘅佢,先喺街頭食煙,轉過頭有幾個女人行埋嚟會合佢,原來係二奶車厘子,三奶Claire有埋一位中女。

現場所見,穿白T、牛仔短裙嘅二奶車厘子,邊行邊拉裙好狼狽,但又趕住伸手,將手上嘅東西遞畀兆尊。在旁紅衫白裙、手持鮮紅色寫住SEX英文字手袋嘅三奶Claire,就唔敢多事,只顧整把遮,然後遞畀車厘子,等佢負責去遮兆尊,認真識做人,而Claire就同另一位中女,一遮兩份用。不過見到二奶車厘子,好似妹仔咁,趕緊追住兆尊幫佢擔遮,而兆尊就好似大少爺咁,兩手揈揈,一馬當先行喺前方。

一男三女四人行,由百德新街行到去加寧街停低,見佢哋指手劃腳望住對面大廈,初時兆尊都幾cool冇乜笑容,到後來同幾個女人有傾有講,仲講笑o氹得幾個女人笑得好開心。期間兆尊仲伸手向三奶Claire額頭摸一摸,似係幫對方量體溫,睇下三奶有冇發燒,見三奶Claire含蓄咁笑一笑。

其實細心睇下,Claire身形唔單只瘦咗好多,連個樣都冇之前咁包包面,真係瘦咗又靚咗,仲識得打扮索咗好多,唔怪得知盛傳佢係「3C女友」當中,最得寵嗰個

兆尊等人喺街度等緊一位男士,呢個人疑似地產經紀,大家會合咗即上樓,上咗去美登大廈。事後我哋致電畀兆尊問下佢係咪睇樓,佢話︰「冇呀,冇乜特別,經過周圍行吓。」問到當日三奶Claire減咗肥變索,兆尊坦言︰「係咩?唔覺喎,我不嬲都唔睇樣。」至於同行另一位中女,兆尊話係其中一個嘅家姐,問佢係咪三奶Claire嘅家姐,佢就話係。

精選娛聞,喺晒《娛果》

http://fb.com/appledailyent

採訪︰徐錦池 二奶車厘子裙甩褲甩咁,將手上東西交畀兆尊。 二奶車厘子裙甩褲甩咁,將手上東西交畀兆尊。
過馬路時兆尊行先,二奶車厘子殿後。

過馬路時兆尊行先,二奶車厘子殿後。
二奶車厘子走上前遮兆尊,三奶Claire同家姐就一把遮。

二奶車厘子走上前遮兆尊,三奶Claire同家姐就一把遮。
之後車厘子好似妹仔咁,追住兆尊幫佢擔遮。

之後車厘子好似妹仔咁,追住兆尊幫佢擔遮。
三奶Claire明顯瘦咗又靚咗,而兆尊身旁嘅中女,係Claire家姐。

三奶Claire明顯瘦咗又靚咗,而兆尊身旁嘅中女,係Claire家姐。
期間兆尊出手摸下三奶Claire額頭。

期間兆尊出手摸下三奶Claire額頭。
佢哋企喺加寧街時,兆尊指手劃腳指住對面樓,同三個女人講緊嘢。

佢哋企喺加寧街時,兆尊指手劃腳指住對面樓,同三個女人講緊嘢。
等咗一陣,一位疑似地產經紀男(黑衫者)嚟到,一齊上去睇樓。

等咗一陣,一位疑似地產經紀男(黑衫者)嚟到,一齊上去睇樓。
去年1月三奶Claire(右)仲肥肥哋,身形同二奶車厘子差唔多。(資料圖片)

去年1月三奶Claire(右)仲肥肥哋,身形同二奶車厘子差唔多。(資料圖片)

鍾意就快D Share啦!