李克勤一連兩日以三個「紅噹噹」造型，為糖尿病藥物拍攝廣告，並擔任糖胖症大使，向公眾推廣控糖減重。向來熱愛運動的克勤，在廣告中要打棒球、打拳、踢足球。這些簡單任務，對克勤來說，當然無難度：「我自己比較鍾意打拳個造型，雖然我好鍾意運動，但好少扮曹星如，我覺得幾得意，另外踢波對我難度反而高啲，因為想做好每一個動作。至於棒球真係無乜認識，要靠導演指導。」
克勤指家中有成員患有糖尿病，原本對這個病已有基本認識，但成為糖胖症大使後，令自己對糖尿病有更深認識，尤其藥物層面能夠了解更多，又說：「拍攝前自己都有做資料搜集，藥廠方面亦有專業人士向我講解糖胖症及藥物嘅藥理，我現在才知道，原來既有糖尿病又肥胖的話，就係『糖胖症』，而10個糖尿病患者當中，8個都有肥胖問題，即可能已經患上『糖胖症』！其實有很多人根本不知道自己屬於肥胖，所以我做代言人嘅使命就係希望用自己健康形象及影響力，提醒公眾以及身邊嘅朋友同家人，要注意糖尿及肥胖問題，尤其有肚腩嘅，都要份外留神小心患上糖胖症。」
來源 source: http://nextplus.nextmedia.com
|
鍾意就快D Share啦！
|
|
|