Selena（右）及Elaine出席劇集宣傳活動。
藝人李施嬅（Selena）與姚子羚（Elaine）為劇集《天命》作宣傳，提到兩人早前孖胡蓓蔚（豹嫂）到菲律賓旅行，Elaine穿上豹嫂送的超deep V泳衣大解放，Selena笑言：「豹嫂冇送畀我，我要有佢（Elaine）咁好身材先carry到，喺佢隔籬要收斂吓，叫豹嫂送多啲泳衣畀佢，網民好享受睇佢啲相。」Elaine稱今次是洗滌心靈之旅，並首次嘗試洗腸，感覺特別，但Selena則形容洗腸似被侵犯。至於其他三名「胡說八道會」成員今次未能同行，兩人大感可惜，Selena說：「佢哋叫我再計劃，但大家嘅期好難就，三個人去我已經好頭痛，六個人去我會癲，又要安排行程各樣。其實大家係好鍾意影泳照，因為香港影唔到。」她笑言下次可以去非洲，提議Elaine可以更性感地與大自然接觸，Elaine反問是否只要兩個椰子加塊葉。問到此行有否艷遇？她笑言在旅行中發現了自己一項技能，可以跟雞、鴨溝通，艷遇對象就是動物。
傾緊續約
另外有傳Selena因為對公司心灰意冷而不續約，她否認：「唔覺得心灰意冷，傾緊約，仲有一段時間先滿約，係下年嘅事，好感激TVB畀好多嘢我。（外面有好路數？）唔係外面有咩就要離開，好多嘢可以混合，睇吓點合作。（同獎項有冇關？）唔關事，得獎係天時地利人和，好多嘢要夾，而且我喺出面攞過獎，都係TVB訓練出嚟。（續約係首選？）傾緊，考慮好多因素，仲未係好清晰。（如果年底有獎會唔會考慮？）唔會啦，佢畀個獎我，我受唔起反而畀人鬧，我寧願大家認同我嘅演技但冇獎。」
來源 source: http://hk.on.cc
|
鍾意就快D Share啦！
|
|
|
