熱爆娛樂: 【私密照曝光】瞞住林峯秘交全國政協長孫吳千語暗撻富三代Brian _

2018年7月7日星期六

【私密照曝光】瞞住林峯秘交全國政協長孫吳千語暗撻富三代Brian __,林峯,吳千語,千語,

吳千語與Brian戀情浮面，喺ig貼收Brian送嘅花。(圖片讀者提供/ig圖片)

(新增回應)

24歲嘅吳千語喺今年初被踢爆與拍拖5年嘅林峯分手，有指林峯好想挽留千語BB，可惜襄王有心，神女無夢。皆因千語被指另結新歡，轉投百億富三代、前全國政協兼地產商施子清嘅長孫施柏雄(Brian)懷抱，但千語一直冇承認，只係例牌話「了解中」。

今日《蘋果》收到讀者爆料，指千語同Brian喺去年已經撻著，喺朋友生日聚會上，千語不避嫌同Brian坐得好close，半邊身貼住Brian胸膛，朋友圈中早知兩人嘅情侶關係。爆料人話﹕「當時千語仲未同林峯分手，大家都好愕然。」

噚晚千語喺ig story放閃，上載一束橙色玫瑰花，左上角有一排好細好細嘅綠色英文字，細意一睇，原來暗tag咗Brian嘅ig名稱「brian_sph」，佢哋亦有互相關注對方。而千語亦冇因為同林峯分手而降低生活水平，經常喺ig貼美食相，除咗有金箔魚翅外，食飯期間仲有《分分鐘需要你》嘅歌詞﹕「願我會揸火箭，帶你到天空去，在太空中兩人住.......」真係冧到震呀！

千語與Brian係熱戀中嘅情侶，去邊都有影皆雙，5月26日，佢哋就同一班朋友一齊出海滑水。朋友都好識做，喺社交網貼相時都刻意用圖案遮住兩人個樣，雖然大合照佢哋分到好開咁坐，但見千語舉晒V，就知佢玩得好開心。

喺《蘋果》即時報道出街唔夠半小時，Brian突然喺ig story上張有好多心心不停降落嘅相，似乎係要呼應返戀情，一過好快又刪掉。

而吳千語則透過經理人回覆《蘋果》：「千語正在海外工作，私人事不回應。」

精選娛聞，喺晒《娛果》 http://fb.com/appledailyent

早前千語(紅衫)同Brian(左一)一齊遊船河。(由讀者提供)	 千語近排愛上水上運動，與Brian興趣一致。(ig圖片)	 Brian同千語一齊出海，朋友都好好，專登將千語個樣遮住，但仲認得件泳衣。(由讀者提供)
 讀者爆料指，千語與Brian去年係朋友生日會上已暗地裡撻著。(由讀者提供)	 千言喺ig story話有花收，喺左上角仲有一行好細嘅綠色字，細意睇就見到「brian_sph」。(ig圖片)	 嘩，雖然同林峯甩拖，但千語BB仍生活富貴，有金箔金翅食。(ig圖片)
 仲有《分分鐘需要你》歌詞收，冧爆！(ig圖片)	 Brian剛剛喺ig story上載好多心心圖案降落，似乎係想呼應返最近戀情。(ig截圖)