好多巨星都會復出喎！
黃子華在紅館舉行棟篤笑，表示現時香港是尋找仇人的故事，並分享兩件事，其中一件是其棟篤笑第一日開賣後，他在網上見到有人開了專頁叫做「黃子華老母問候區」，第二件事是其電影《棟篤特工》上映後，有網友讚幾好睇，但就有另一人話睇到唔夠半場就走了，然後這個人更鬧話幾好睇的網友「全家落地獄」，子華即謂：「所以依家閻羅王都好煩。」
接着子華謂到此為止，隨即向四面台鞠躬，期間飲啖水，又將個杯掟畀觀眾。結束前，他謂要講番少少自己嘢，首先多謝大家來捧場，而且每場都會多謝一個不同的朋友，他多謝當年任職電台時的老闆，多謝對方容許及鼓勵他發展人生，否則他未必會做到棟篤笑。
之後子華又講到巨星收山前會唱一首歌：「但巨星收山必然係會復出，但我唔係巨星，只係有啲觀眾緣啫，但係我就係想唱歌，我要唱粵曲。」大家即歡呼，他隨即清唱《幻海奇情》：「勞碌半生忙打拼，想喺太平盛世，做個小明星，贏咗有糖，輸咗乜都冇，時光荏苒……」期間子華一度感觸，哽咽唱不下去，並拿出紙巾抹鼻及眼睛，大家即拍手鼓勵，並叫他「唔好喊」，他笑自己冇用，隨即再唱落去：「時光荏苒，也不要為君停，人生在世，真係需要能量正，幾多難關，難過，講亦講唔清，我回首望住，首望住你個紅館至醒悟，能夠與各位喺度歡樂一笑，都算係幻海奇情。」最後他瀟灑擺低枝咪在張櫈上，就轉身行番落台，首場棟篤笑圓滿結束。
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
