雖然黃子華表示唔想為陳冠希平反，佢都覺得陳冠希唔想佢講陳冠希，但在《金盆o浪口》首場尾聲，子華用了近12分鐘，為陳冠希平反。
「要封殺陳冠希，因為我哋睇咗人哋唔係公開上映嘅戲，人哋唔係公開上映㗎，人哋唔想畀我哋睇，佢係delete晒啲相，重新format過，我已經唔知自己講乜……佢係整電腦變咗被整蠱，整蠱佢嗰個人叫乜嘢名，冇人知，who care？係咪，但嗰班受害人『s』，變晒被告『s』，然後受審、受判，甚至『受摺埋』。」
「最陰功，我覺得，仲要走出嚟認錯，個個要走出嚟認錯。而喺同時，陳冠希係教識咗全香港，『唔好亂咁整電腦』（全場笑）你唔好話你冇學到。依家你唔係聖人，你唔夠膽拎部電腦去整吖！係咪先？『我冇問題，你慢慢整，我三日後先返嚟攞，三日後我復活咗先返嚟攞』咁你就得喇！」
「陳冠希令全民醒覺，你可以唔留低遺產一個人，但你部電腦唔可以唔剷。你臨死唔係同屋企人講我愛你，而係『剷咗未？』唔係畀啲孫仔孫女睇到、第日燒啲童男童女畀你，個個蒼井空咁樣樣，或者嗰啲動表情，你好唔好意思收？或者直情燒一個地鐵紙車廂畀你，紙地鐵車廂，你好唔好意思搭呀？好多人好似冇睇過，淨係得我一個睇過。」子華應該係講緊日本「愛情動作片」嗰啲地鐵癡漢啩……
來源 source: http://hk.entertainment.appledaily.com
|
鍾意就快D Share啦！
|
|
|
