2018年7月7日 星期六

愛情,會令人變傻仔傻女 | 康仔 __,康仔,蘇永康,

愛情,會令人變傻仔傻女|康仔愛情唔單止會令人盲目,仲會令男男女女都變晒傻仔傻女,做啲平時唔會做嘅事。局內人可能唔覺,但局外人肯定睇得清清楚楚。康仔最鍾 ...


  • 愛情,會令人變傻仔傻女 | 康仔


  • 愛情唔單止會令人盲目,仲會令男男女女都變晒傻仔傻女,做啲平時唔會做嘅事。

    局內人可能唔覺,但局外人肯定睇得清清楚楚。康仔最鍾意見到人哋傻晒,自己睇得開心之餘,亦都戥佢哋咁sweet而開心,不過我老死阿榮就唔係咁睇。

    阿榮係典型乜都睇唔過眼嗰種男仔,可能因為差唔多三十歲人都未拍過拖,每逢見到身邊有人撻著,阿榮就會好扯火。試過有同事溝到其他部門嘅女仔,阿榮梗冇一句好說話......

    「呢件你都啱呀?你都真係幾饑渴喎!」

    「今晚唔去宵夜呀?明㗎喇,自從你拍拖之後,成陣戇X味湧晒出嚟!」

    「唔好買波衫喇,留返啲錢畀家用喇,老婆奴!」

    句句凶狠,實情人人都知最酸嗰個係阿榮!不過個天係公平嘅,睇見阿榮dry咗咁耐,今次終於到佢!大約半年前,阿榮喺酒吧識咗個啤酒妹,經過連續3個月瘋狂劈酒馬拉松,阿榮同啤酒妹Bebe劈出愛火花,阿榮終於都開齋喇!

    初戀降臨,阿榮想唔傻都難,以前佢就鬧有拖拍嘅朋友「老婆奴」、「饑渴」同埋「戇X」吖,家陣佢就日日喺Facebook放閃,拍拖唔夠一個月就帶埋女友見家長,仲同Bebe著埋情侶裝去海洋公園添!

    所以話,愛情係會令人變晒傻仔傻女,當你未有拖拍嘅時候,唔需要因為葡萄人哋而句句去到盡,因為當你有朝一日墜入愛河,你可能都會成為傻仔嘅一份子。

    專欄作者簡介:

    康仔

    日頭返工攤抖,例牌遲到早走,收工約Friend飲酒,放假陪女玩狗。

    一日冗員,一世冗員,我是康仔。

    Facebook專頁:

    https://www.facebook.com/mynameishonghong/



    鍾意就快D Share啦!
    Related Posts Plugin for WordPress, Blogger...