譚俊彥指佢知道自己有不足 ，希望之後幾部劇可能證明佢有改變。
藝人譚俊彥（Shaun）出席無綫劇集《天命》的宣傳活動，跟同劇演員一齊落水玩遊戲。Shaun身穿黃上衣配紅短褲，被嘲似救生員，他最後更脫去上衣接受冰桶大懲罰。
Shaun透露他主演的《特技人》會緊接《天命》播出，他坦言網上已有不少聲音：「有啲人話50幾日都要睇我，覺得好悶，話我阻碇，演技連茄哩啡都不如，話我如果唔係狄龍個仔就無碇企，我當然知道網民把口係咁，但都會諗，盡力做好自己，我知道自己有不足，希望之後幾部劇證明係有唔同，呢套劇演技有啲浮誇係劇情需要。」他稱父親也有收看其新劇，對他演技感滿意：「佢叫我所有嘢都要慢啲嚟，享受吓，以前我會唔明白，因為我係工作狂，依家我明佢意思，佢要我拖慢少少，畀多啲時間家人，可能因為佢後生都係將大部分時間放喺工作，有啲嘢係返唔到轉頭。」
另外，現場見他情緒不高，Shaun解釋已有一個星期沒有好好睡覺：「拍緊新劇，要喊又要飲醉酒，同埋有好多床戲，其實好攰，同對手唔熟都好啲，熟就尷尬，而且又識我太太，之前同趙希洛有少少親熱戲，今日就同黃智雯有親熱戲。（太太有冇嚟監場？）我叫佢唔好嚟，一係唔拍，唔想拍到就住就住，作為專業演員都要做。播嘅時候太太會睇，但最怕佢話唔係咁錫，要錫得用力啲。」他指由於新劇講殺人，所以現時狀態似殺完人，行屍走肉。
來源 source: http://hk.on.cc
|
鍾意就快D Share啦！
|
|
|
