吳千語傳搭上富三代施伯雄（右一）。
今年1月，藝人吳千語突然傳搭上富三代施伯雄，並指兩人早於2017年已經認識，當時女方曾否認緋聞。直至今年3月，消瘦不少的林峯出席活動時正式宣布分訊，吳千語亦喺網上承認分手一事，兩人五年情玩完。近日，女方則再被翻炒同富三代施伯雄嘅緋聞。
林峯曾傳送豪宅結婚
林峯與年輕14歲嘅吳千語因合作電影《男人如衣服》而撻着，兩人於2013年爆出戀情後，林峯喺活動上大方認愛，仲發表「七愛宣言」：「我好愛好愛好愛好愛好愛好愛好愛BB。」拍拖五年嚟，佢哋一直愛得癡纏，不時出雙入對，又去旅行增進感情，仲有傳林峯曾送贈價值8千萬嘅豪宅予女方，一度傳出婚訊。
兩人近年感情反覆
不過，兩人於2016年傳感情變淡，當時有指男方家人唔接受千語，因而分手收場。後來兩人疑復合後繼續愛得高調，上年9月林峯被拍得駕車陪女方睇醫生，可惜未幾又傳情變，當時雙方出席活動時，亦罕有地避談對方。
來源 source: http://hk.on.cc
|
鍾意就快D Share啦！
|
|
|
