嘩！嘩！嘩！
周柏豪同黃嘉樂做乜搞到要大打出手呀？之唔係為咗吳若希囉！
大台新劇《多功能老婆》開拍咗近一個月，今次搵咗17年冇拍劇嘅千嬅做外援，同黃浩然演兩公婆。早排《壹仔》咁啱撞到劇組喺銅鑼灣拍外境，不過就唔見男女主角。反而見到周柏豪同黃嘉樂互揪。同場仲有生B後第一次拍劇嘅吳若希，未埋位嗰陣，吳若希匿埋一邊係咁傾電話。
話說喺劇入面，周柏豪同吳若希先係一對，不過黃嘉樂同時暗戀吳若希，展開三角戀。 呢日周柏豪上門找霉氣，一拳打落黃家樂度。之後兩個講唔掂數，黃嘉樂出手還撃⋯⋯
呢個時候，吳若希終於出場！趕到現場勸交。雖然全部借位，不過兩個都打到現晒青筋，好肉緊架！
故事未完喎！轉個場地再黎過。今次黃嘉樂車住吳若希，周柏豪激動到衝出馬路攔車，之後仲當街理論。
所以話呢⋯⋯為爭女可以去到幾盡？
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
