【新增網民留言】
早前虛擬貨幣大熱，「炒風」不斷，因此類貨幣需要電腦及程式挖掘，有不少年輕人投身「礦工」一族。其中自稱「90後全職掘礦妹」，今年25歲的王家珵（Macy），兩年前開始迷上區塊鏈技術，花了數月研究虛擬貨幣，膽粗粗花約七萬元砌了第一部掘礦機，之後開始全職「掘礦」，更曾接受多間傳媒訪問。
好景不常，今年起區塊鏈受到各方打壓，相關貨幣價格如食了瀉藥般。其中較多香港人掘的以太幣，由1月高位1,385美元，急插至現時275美元左右水平，暴瀉八成。之後更發生多宗騙案，被指為「另類龐氏騙局」，令整體行情急速凍卻。Macy就坦言現時要「坐艇」，已放棄一半礦機。
「好老實講，依家喺香港嚟講，掘礦已經係一個蝕錢嘅行為！」早前報導就指除電費及寬頻費用前、以太幣310美元價格計，每日收益約83元。但隨 「掘礦」難度提升，加上幣值下跌，以現價計，掛一天就蝕20元。她慨嘆現時市況已跟去年比完全不同：「以前搵顯示卡（掘礦時需要用到性能較佳的電腦）、搵零件，大家都爭住去買，好辛苦去搵…」
她亦透露自己曾炒賣以太幣：「如果半年前買嘅話，依家可能係渣都無得剩！」指身邊很多朋友都以逾千元購入，「都係會繼續坐（艇）架啦….都係睇個人心態啦，有啲會止蝕，但如果你相信依個技術嘅話，我自己都會選擇hold住先，睇吓先囉。」
除了全職掘礦，去年Macy更嘗試幫客人砌「礦機」，現時已無人問津：「我都唔係做到好大，依家我會建議暫時停咗部機，做吓其他嘢…其實部電腦都幾頂尖。」Macy表示不少貨幣在數十元時已「掘出」，現階段不打算求職：「依家主要係令大眾知多啲區塊鏈背後嘅技術，唔係專注炒賣。」
但她就不打算做相關的KOL：「炒賣始終唔係太健康，我自己唔會說服人去買幣，最多都係砌部機掘吓。」而早前搗破多宗有關虛擬貨幣投資騙局，她表示：「每行都有好同唔好嘅人，如果你有心研究，都要付出時間同心機，到最後都只可以靠自己。」
網民普遍認為加密幣是一場騙局，以下擷錄網民留言：
Power Lai：仲炒到啲顯卡貴到冇人有，仲話部機唔掘礦可以打機，你依家有幾十張顯示卡你打到咁多咩。
Kwok Ming Clement Wong：一些人自己投機抄賣輸左錢就賴地硬，好明顯輸打贏要。
Cally Hu：貴金屬，都仲有啲實物揸下，真係要掘，呢d連風都不如，係有一班極蠱惑嘅騙子揾食，但又有人信。
Kwan Cheuk Nam：上個世紀股票市場都有隻得得b天線，搞到好多人破產跳樓。
記者：梁延宇
全球樓行 Dream House零距離
https://hk.feature.appledaily.com/overseasproperty
|
鍾意就快D Share啦！
|
|
|