網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月27日 星期一

【情深暖男】宋熙年遭網絡欺凌 陳智燊心痛﹕唔知做咩令可件事舒服啲 __,宋熙年,陳智燊,

(攝影﹕林賓尼/ig圖)
擁有英國國籍,名校畢業,操英文流利,高大靚仔......咁好條件嘅男人,但入行無耐,陳智燊(Jason)已宣佈封盤,令唔少粉絲玻璃心碎了。反之,太太宋 ...


擁有英國國籍,名校畢業,操英文流利,高大靚仔......咁好條件嘅男人,但入行無耐,陳智燊(Jason)已宣佈封盤,令唔少粉絲玻璃心碎了。反之,太太宋熙年(Sarah)經常遭受到網絡欺凌,令向來情深嘅Jason好心痛,皺起眉頭話﹕「無論鬧我定鬧佢,鬧你樣衰,鬧你唔鍾意,但冇乜邊樣值得記喺心,嗰下係愕然嘅,但delete咗就算,唔知佢睇唔睇到啦,或者佢都有幫我delete。」會否反擊?Jason話﹕「好難,有咩可以令攻擊少啲,令大家用一個正確諗法諗呢件事,我都唔知有咩方案令件事舒服啲,好大個問號?但現在都有好多message話Sarah大肚後靚咗,可能母愛浸咗出嚟,都接受咗。」



慶幸Sarah天性樂觀,從未為此流過一滴眼淚,還建議Jason效法美國主持人Jimmy Kimmel拍片自嘲,Jason話﹕「佢話不如攞住部電話,讀番啲刻薄留言。但啲留言有時剩得粗口,完全冇重點,除非鬧番佢,但香港呢個文化我覺得玩唔到,出咗嚟應該『嘩』上C1。」最後Jason同太太決定以平常心面對。



Jason一提起Sarah,臉上總帶著笑容,今次拍攝其中一個地點位處旺角街頭。Jason表示都係為咗太太﹕「成日想帶佢去啲香港特色地方,但佢依家大住肚,唔方便去人多地方,所以好相影啲相返去畀佢睇。」佢透露太太會留港產子,問點解唔去英國生攞英國護照,Jason衝口而出﹕「咁咪好耐見唔到Sarah同囝囝?要去待產,呢排我又要處理自己工作,唔可以陪佢哋,真係唔捨得。」



問到點解咁愛Sarah,Jason咪咪笑話﹕「Sarah選美時冇留意㗎,之後佢加入娛樂新聞台,慢慢熟,佢爽朗率直覺得佢幾正,唔複雜、無機心,相處落就鍾意咗。」Jason自認宅男,所以向來好少桃花,佢笑言﹕「拍劇宣傳嗰啲有,每部劇都有,嗰時未公開(拍拖),啲女拍檔全部都係吹水。」



採訪﹕嵐山

攝影﹕林嘉銘

攝錄﹕廖達燊

地場﹕Alibi - Wine dine be social



精選娛聞,喺晒《娛果》 http://fb.com/appledailyent



(攝影﹕林賓尼/ig圖) 提起Sarah被網絡攻擊,Jason都覺得好無奈。 提起Sarah被網絡攻擊,Jason都覺得好無奈。
陳智燊同宋煕年喺2016年結束7年嘅愛情長跑。(IG圖片)

陳智燊同宋煕年喺2016年結束7年嘅愛情長跑。(IG圖片)
Jason話好喜歡Sarah嘅爽朗同率真個性。(IG圖片)

Jason話好喜歡Sarah嘅爽朗同率真個性。(IG圖片)
BB將於9月出世,早前搞咗個Baby Shower,好熱鬧。(IG圖片)

BB將於9月出世,早前搞咗個Baby Shower,好熱鬧。(IG圖片)
唔少網民都讚Sarah懷孕後靚咗,浸出母愛。(IG圖片)

唔少網民都讚Sarah懷孕後靚咗,浸出母愛。(IG圖片)

鍾意就快D Share啦!