31歲嘅o靚模郭穎兒（Celia K.）上周三入院剖腹誕下第二胎，6.38磅囡囡取名Lia，翌日佢就喺facebook報喜（新聞連結： https://bit.ly/2BOz0zA ）。Celia日前已經出院帶埋Lia回家坐月，但今日佢喺fb貼咗Lia新相，囡囡右臉頰竟出現咗有長血痕，睇到都好肉赤。
Celia話佢前日出院，但抱囡囡離開時，發現Lia臉上有血痕，佢留言：「每一個媽咪都會懷着一個興奮開心嘅心情接BB返屋企，我都一樣。但係當我見到BB嘅時候，我真係笑唔出。佢面上有一個啱啱整親，大概2.5cm嘅好深傷口，當我問姑娘點解會咁樣嘅時候，佢第一句答我乜醫生冇同你解釋咩？佢自己指甲整親自己。BB天生嘅指甲係軟嘅，指甲亦都好薄好薄，整親自己當然係絕對有機會，但係一個咁粗、咁深嘅傷口，係一個出世幾日嘅BB，指甲刮到咁樣？我有一個有20幾年經驗嘅陪月姨姨，一睇都話唔可能係BB嘅指甲，造成一條咁粗咁深嘅傷口，一個喺政府醫院初生嬰兒科做咗好耐嘅auntie，都話真係未見過BB自己可以整到咁傷，事件已經發生咗，亦都打咗電話去醫院了解，院方回覆，只可以答你100%BB自己整到。」
「每一個媽媽都會心疼自己BB，當然我知道好快好番，嬰兒新陳代謝回復好快，我好少喺facebook打千字文，但我真係對呢家私家醫院好失望，如果係自己整到嘅有疏忽照顧責任，而當時姑娘回覆嘅態度係理所當然，更加如果係人為疏忽，每個人都有唔少心嘅時候，一句道歉，我覺得可以接受，絕對唔會加以追究，但並不是理所當然推卸責任嘅回覆。」《蘋果》今日聯絡Celia，佢好擔心囡囡臉傷，佢話：「我超傷心，我見到嘅時候，心流緊血，三日都未好，自己開始有少少抑鬱，我已打去投訴。」
精選娛聞，喺晒《娛果》
http://fb.com/appledailyent
| Celia肉赤囡囡出院臉上離奇現血痕。(fb圖片) | | |
| | | |
|
鍾意就快D Share啦！
|
|
|