馬浚偉表示同黃嘉威喺工作以外冇接觸，亦唔可以畀太多意見。
藝人馬浚偉為節目進行拍攝，談及舞台劇導演及演員黃嘉威涉騙未成年少女拍寫真被捕，他表示跟對方認識，是合作了數年的朋友，之前其舞台劇《偶然·徐志摩》也是由對方擔任執行導演，並有份飾演其中一角，他亦有留意該報道：「尋晚凌晨三點幾收到朋友轉發呢段新聞畀我，因為當時未開名，但根據報道上嘅資料，覺得似係佢，但我唔想係佢，當時未證實，都唔肯定。依家報道開咗佢個名，有呢件事發生，我唔可以畀太多意見，因為涉及刑事同嗰位小女孩，我冇諗過佢（黃嘉威）會遇上呢種事。（佢平時嘅為人係點？）我哋係工作上接觸，工作以外冇，總之我依家講乜都係唔公平，無論對佢定係對個小女孩都唔公平，好難畀意見，希望唔係事實，所有嘢交畀法庭，我會禱告，希望得到公平結果，雖然我同佢係朋友，但都唔可以偏幫。」
來源 source: http://hk.on.cc
|
鍾意就快D Share啦！
|
|
|
