現年37歲的無綫視后唐詩詠，前日及昨日在社交平台甫出激罕泳照，大晒曲線及白滑玉背，贏得網民激讚，兩日加埋吸近14萬Like！詩詠今次破禁派福利，正好迎合七夕放閃求偶，即使在嘉穎婚禮上搶不到花球，都攞番個尾彩！
形象如鄰家女孩的唐詩詠，情路崎嶇，即使被譽為「最佳女朋友」，真命天子始終未現身。於上周出席好友鄭嘉穎和陳凱琳婚禮時，失落「花球」之餘，更被曹永廉整蠱搶花瓣，但卻連一個花瓣都接唔到，慘被曹永廉取笑：「好多散拖……哎吔，一個都冇！」眼見嫁杏無期，惟有在峇里水天一色的靚景下，拍了一輯索爆泳照，並在前日七夕中國情人節於社交平台派福利。詩詠前日率先上載遠鏡泳照，引來大批網友嗌索，好友田蕊妮和黃翠如更催她甫多幾張近鏡。
32A「變幻球」
在一眾渴求聲下，詩詠於昨早終於「找數」，為大家送上「遲來的七夕禮物」，連出三個Post晒「全方位」泳照，玉背、事業線同長腿要乜有乜，加上唯美靚景，構圖完全冇得輸，前後兩天加埋共獲14萬個Like擊，不少網民笑言其配文已不是重點。不過，詩詠亦很有心，公開多謝為她影靚相的大師，對方是有份同行去嘉穎峇里婚禮的黃嘉樂女友Samantha。攝影師出身的Samantha，今次將玉女詩詠變成索爆肉女，功力認真要讚，因為相中可見詩詠豐滿的上圍，點睇都不似32A，似乎Samantha才是掌握「變幻球」的真諦。
洪永城睇得太遲
嘉樂聞得由女友操刀的泳照雄霸社交網亦大感開心，他昨日回覆稱：「自己女友被讚，當然開心。（為詩詠影泳照有冇主題㗎？）冇原因㗎！咁女仔影女仔方便好多，大家覺得阿妹詩詠相靚，咁就好」不過，身為詩詠的前度洪永城，則對索爆泳照反應遲緩，出甫後未見點讚，直至昨日記者問可有留意時，他才表示：「有睇，好靚，影得好好！」事後亦畀Like。
其實詩詠早於去年拍無綫劇《不懂撒嬌的女人》時，亦曾以兩件頭泳裝上陣，在泳池仰臥式暢泳吸引「游生」袁文傑，當時亦成為一時佳話。日前詩詠就被發現以露肩兼露腰的套裙與兩位女同事現身商場，並入餐廳開餐，期間有講有笑，詩詠其後開車送女同事返電視城，而自己再返歸做宅女。
更多新聞，請瀏覽東方日報網頁：
http://orientaldaily.on.cc/
|
鍾意就快D Share啦！
|
|
|
