真係講得出都扮到！
藝人林凱恩（Iris）同周嘉洛以《愛‧回家之開心速遞》「情侶檔」為無綫拍攝宣傳片，今次Iris仲着住小背心扮Angelababy，而周嘉洛則「犧牲色相」扮遙控，Iris說：「我覺得呢個都係人生一個挑戰，感覺好新鮮，事前都有睇過啲相練習個感覺，但好可惜唔記得墊嘢落件背心入面，哈哈！（覺得嘉洛扮遙控點？）好成功，佢係一個好壯健嘅遙控，同佢平時拍劇已經好有默契，所以都拍得好順利，希望可以同佢合作拍多啲唔同嘅嘢！」
至於之前有歌手吳業坤扮棋扮到有出頭天，問到今次扮遙控嘅周嘉洛，係咪覺得距離上位之路向前多一步？他謙虛說：「唔會，扮遙控都係一個角色，唔係暗示啲乜，只係公司覺得我同Iris情侶檔入屋先用我哋。（辛唔辛苦？）都唔會，雖然係冇得坐，但大家拍咗兩個鐘就收工。（下次期待扮乜？）我份人好隨性，公司畀乜我都做，因為新人係要肯搏肯捱，我係絕對冇問題！」
來源 source: http://hk.on.cc
|
鍾意就快D Share啦！
|
|
|
