2018年9月19日星期三

【10款口味】巨聲孖仔一個專情一個雜食細數周志文周志康兄弟情史 __,周志康,周志文,

【10款口味】巨聲孖仔一個專情一個雜食　細數周志文周志康兄弟情史

所謂同人唔同命，「巨聲幫」孖仔周志文、周志康兩兄弟，一個專一，一個閱女無數，如果唔睇樣，真係唔信佢哋係兩兄弟！喺2009年參加大台《超級巨聲》嘅周氏兄弟﹐當年一齊加入大台做藝人，可惜大孖周志文緋聞太多，歷年來至少出現過9位緋聞對象，最終喺2015年被大台炒魷，而家得返細孖周志康留低默默耕耘，大佬形像破產，對細佬難免有啲影響，不過好在已婚嘅佢形象討好，仲有得做下配角、主持，都叫做長做長有。

「細孖」周志康一直都冇乜緋聞，皆因一早已認定富家女盧芷茵（Emily），兩人喺2014年奉子成婚，而家加埋囡囡Emma，一家三口非常幸福。

Emily而家係viuTV《Girls’ Talk》主持。



Emily仲不時喺網上放閃，兩公婆勁恩愛。



細孖就快做第二任爹哋喇！



「大孖」周志文有「花王」之稱，出道以來緋聞冇停過，女伴如車輪轉，最近又被影到同劉佩玥疑似水上激吻，獵女名單又多一員！大孖嘅歷任真女友同緋聞女友，個個都係港姐或者model，係識食嘅！一齊細數大孖歷年來9位緋聞女友，9款都唔同口味，「雜食王」當之無醜

袁紫僑

前名袁聖殷，洋名Coco，係大孖唯一承認過嘅女友。澳洲長大嘅佢，來自上海嘅富有家庭，2011年來港做𡃁模，曾為女團「LemonBeez」及「少女標本」成員。入行不久就承認同大孖拍拖，不過喺2012年，大孖喺上海拍攝劇集《名門望族》期間疑似同馬賽撻著，搞到Coco要急急飛去𥄫實男友，同年戀情玩完。女方其後同賭王之子何猷君撻著後又分手。



舊愛袁紫僑Coco



馬賽

重慶妹馬賽於深圳長大，早年以內地生身份喺就讀浸會大學﹐於2008年參選港姐並獲得季軍，加入大台被受力捧。2012年拍攝《名門望族》時被指與大孖搭上，搞到大孖正印袁紫僑要去「捉姦」，後來更被拍到一齊過夜，不過二人由此至終都未承認戀情。女方於後來2013年同強國製片人汪子琦、富婆Laura嘅she she she三角戀導致形像直插谷底，敗走香港娛樂團。