掃呢頁CODE去手機

2018年9月19日 星期三

曾志偉:阿叻爆富甲一方 曾志偉橫店投資酒店 __,志偉,阿叻,陳百祥,曾志偉,

同阿叻隔空互窒。藝人曾志偉以監製身份出席電影《黃金兄弟》沙田首映禮,力撐主演的鄭伊健、陳小春、錢嘉樂、謝天華及林曉峰,對於導演嘉樂感謝志偉即使超支亦繼 ...


同阿叻隔空互窒。


藝人曾志偉以監製身份出席電影《黃金兄弟》沙田首映禮,力撐主演的鄭伊健、陳小春、錢嘉樂、謝天華及林曉峰,對於導演嘉樂感謝志偉即使超支亦繼續支持,志偉說:「因為洗濕咗個頭,最重要係最後成績好丫!拍咗2億幾,我自己都冇試過拍咁貴,好似縱壞咗個仔咁,啲老闆都問我做咩唔同嘉樂上契,我話其實合理嘅,佢拍得好有心機,兩年推晒啲戲,因為佢知道同兄弟拍,一定要拍好佢。(有信心回本?)咁如果要拍續集真係要回本先,但佢哋呢11個月好難忘,平時玩都約唔到咁齊人,感情再增長咗,頭先個個都上晒身,係咁嗌口號!」

講到好友兼冤家陳百祥(阿叻)表示冇收到出席首映的邀請,志偉說:「有搵製片親自打電話畀佢,佢份人唔得閒就話人冇邀請!佢仲話我橫店投資酒店市值十幾億,呢啲同佢畀Tips一樣,唔可信。(你依家係咪橫店首富?)我打工仔咋!係我仲使做?坐喺度?(真係投資酒店?)少少股份咋!因為大家成日拍戲,我就買咗一、兩間。」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!