【新增內容】
娛樂圈又再傳喜訊，31歲08年國際中華小姐冠軍朱璇，其後簽約無綫，但發展平平，佢15年離開無綫，結束7年賓主關係，翌年才結束合約，同年即轉投邵氏兄弟。朱璇近年又返大陸發展，今日凌晨有網民貼出出席朱璇喺比利時舉行婚禮照片，相中看到朱璇穿上低胸婚紗，新郎則打煲呔配禮服，郎才女貌。
據知朱璇嘅老公係大陸富二代，一對新人喺歐洲舉行婚禮，只邀請雙方至親出席觀禮，低調進行。穿上婚紗嘅朱璇明艷照人，佢同老公十指緊扣，非常恩愛，新郎樣貌有點似年輕版伍衛國。朱璇當年參選，報稱三圍係33.5、23.25、35，佢婚禮上有兩個造型，有放下長髮，亦有紮髻，各具美態。不過低胸婚紗都展示佢巨咪細腰S身形。
朱璇當年參選中華小姐，除奪冠，還獲青春小姐成為雙料冠軍，亞軍係香港佳麗張嘉兒，季軍則係重慶佳麗徐萌。朱璇當選後簽約無綫，佢演藝事業發展未如理想，卻被爆搭上湯臣集團太子爺、徐楓兒子湯珈鋮，16年朱璇出席活動時，提到身邊好友紛紛結婚生B，那緋聞男友湯珈鋮可有求婚？朱璇尷尬話：「吓！冇，我單身。」（新聞連結： https://bit.ly/2xohkq9 ）
16年4月，朱璇出席活動時，記者問到楊怡與羅仲謙喺英國古堡低調結婚，朱璇話結婚係私人事，仲預告將來都會低調結婚，只會邀請最親密好友出席，果然佢結婚真係佑好神秘。
朱璇生於小康之家，父母曾長時間於法國從商，北京出生。朱璇喺13、14歲已喺北京做model，16歲中學畢業留學法國巴黎修讀戲劇表演，07年代表巴黎參加歐洲華裔小姐競選獲得冠軍，08年首位代表巴黎參選國際中華小姐朱璇也大熱奪得冠軍同青春小姐。
同朱璇一齊選國際中華小姐嘅張嘉兒今日回覆《蘋果》，對於當年同屆華姐朱璇都升呢人妻，張嘉兒話：「當然祝福佢幸福美滿啦。朱旋係一個超級可愛但有索嘅女仔，希望佢嘅老公會好好愛惜佢。」另湯洛雯聽到朱璇婚訊，佢今日回覆傳媒：「係咪真，我聽講佢返咗法國讀書，有一排冇聯絡，如果佢得到幸福，我梗係恭喜佢。」
另外，陳爽有份出席朱璇婚禮，陳爽今日回覆《蘋果》：「有啊，有參加她的婚禮。好靚，好幸福。兩個小朋友都做了花童，很開心。」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
