現年52歲的郭富城去年迎娶細他22年的內地嫩模方媛（Moka），同年9月誕下女兒Chantelle後，城城就多了一份親和感。日前，他於紅磡接受《蘋果》訪問時罕有地談及家事，他自言能夠做父親，是上天的恩賜，他又形容以前開心笑完就算，做了爸爸後的笑容則是「回甘」而持久：「當你有咗家庭嘅快樂，你嘅快樂係講不出嘅一種溫情，係冇第二啲嘢能夠代替嘅。」
採訪︰何永寧
攝影︰林德雄
郭富城人生的轉捩點，是去年由鑽石王老五進化成一名顧家好男人。他日前接受《蘋果》專訪，問他覺得做男主角開心？還是做爸爸開心？原本以為城城點到即止，沒想到他有感而發，認真地回答：「老實講我覺得係兩個唔同嘅身份，喺我呢個年紀，我覺得能夠做到爸爸，係上天嘅恩賜。我好感恩，因為我記得50歲嘅時候，跟自己講喺某個年齡到嘅時間裏面，係上天安排咗畀你，仲有自己自身方面，都拼咗咁多年，我覺得都係時候要穩定，喺自己嘅生活上要改變。」
| | | |
結婚後的溫情
城城坦言，有了家庭之後，他在藝術創作空間上，亦進步了不少。他說：「我覺得生活上有改變，先至可以令我喺創作空間上，能走得更遠。你有家庭，知道點樣去照顧你嘅家人，點樣愛護你嘅子女、愛護你身邊嘅人。呢種愛，係你以前未結婚，未有小朋友嘅時候，係唔會出現嘅。因為呢啲係真實、開心。」
城城表示，以前未有家庭負擔時，就算有開心事都是笑完就算，而現在的笑容，是有「回甘」而持久。城城說：「以前一笑就過，大家見到朋友，笑完就冇，開心就係咁樣。但當你有咗家庭嘅快樂，你嘅快樂係講不出嘅一種溫情，係冇第二啲嘢能夠代替嘅，所以你工作嘅時候，就係因為你有家庭，所以你面對工作嘅時候，要更加用心，有更大嘅動力。」
演戲給女兒看
城城續說：「為咗家人，我希望做到一個完美稱職嘅爸爸，我覺得𠵱家每一個作品，到小朋友大嘅時候，都能夠分享，希望小朋友能夠知道，爸爸係好用心、好努力。」
城城近日拍攝新片《麥路人》時，被追問「城嫂」Moka是否懷有第二胎，他回應時被指語帶不善，城城否認，並解釋是因為太入戲。他表示在《麥》片飾演一名三餐不繼的低下層人物，所以對身邊的事，反應會很大。
暗示快將添丁
城城說：「我好少講家庭事，不過同大家分享吓，有小朋友係好開心嘅事。但係好多時候小朋友係天畀自己嘅恩賜，都想保護屋企人。無論將來有幾多個小朋友，都係好開心，老實講我係鍾意一個多人嘅家庭，開心嘅家庭，不過暫時唔可以講太多。」言語之間隱隱暗示，城城即將很快又做爸爸。
場地提供：香港嘉里酒店
|
鍾意就快D Share啦！
|
|
|