網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年9月21日 星期五

【《延禧》番外篇曝光】慘遭袁春望虐待兼浸糞水 魏瓔珞愛女嚇到神經失常 __,《延禧》,

大陸宮廷劇《延禧攻略》hit爆中港台,雖然有傳製作人于正會開拍續集,不過事後于正話係一個美麗嘅誤會,反而會有番外6集,劇集仲未播出,但係「疑似」劇本已 ...


大陸宮廷劇《延禧攻略》hit爆中港台,雖然有傳製作人于正會開拍續集,不過事後于正話係一個美麗嘅誤會,反而會有番外6集,劇集仲未播出,但係「疑似」劇本已經喺微博瘋傳!



聽講今次主要係講第二代嘅恩怨情仇,講述魏瓔珞嘅女「昭華公主」同傅恒假兒子「福康安」,以及和親王弘晝女兒之間嘅三角關係。



飾演昭華公主係23歲嘅王鶴潤、福康安係由24歲嘅王一哲飾演,其中一節仲係昭華公主嘅故事,話說因為昭華公主好似阿媽魏瓔珞,故深得皇上寵愛,點知公主喺11歲嗰陣,俾失心瘋嘅袁春望綁架,其間袁春望一次又一次逼公主聽自己被淨身嘅過程,甚至仲將公主隻腳打斷,又逼佢浸喺糞水7日7夜。相當相當重口味。



故事最終係袁春望俾乾隆杖殺,不過昭華公主已經被虐待到精神失常且失憶,且性格變得暴戾,好似俾袁望冤魂纏身,成日用男人嘅語氣講嘢。



唔少網民睇完之後,覺得劇情太過離奇,唔似歷史古裝劇。



一講到福安康,究竟于正選擇福安康係邊個個仔呢?此「疑似流出劇本」既然講到福安康係傅恒個「假兒子」、即係佢阿媽係爾晴。爾晴當日曾爬上龍床(仲激死富察王后…),其腹中骨肉,唔通真係乾隆?但亦有觀眾估,同爾晴發生關係的人,是傅恒四弟傅謙。史稱福康安係傅恒第三子,乾隆非常疼愛,故民間流傳說福康安其實係乾隆私生子。



仲有一個問題就係,袁春望係咪真係雍正私生子呢?當日太后一口咬定佢唔係先帝個仔,但又阻止皇上將之處死,結果留後患。袁春望身世,有望於番外篇有分曉。



番外篇另一引人關注,就係有高貴妃同瓔珞家姐魏瓔寧有何關係。之前于正話過此疑團會於番外篇解開。



精選娛聞,喺晒《娛果》

http://fb.com/appledailyent




鍾意就快D Share啦!