【米蘭直擊】米蘭2019春夏時裝周開鑼，今季多了不少新鮮臉孔，於香港時間昨日舉行的Fendi騷有兩位富察皇后：《延禧攻略》秦嵐和《如懿傳》董潔同場時尚較勁。秦嵐一身年輕tee與短裙晒腿，董潔梳了古裝風的中分頭髮、斯文優雅，二人一碰面即開心咬耳仔。Max Mara騷方面，鄧麗欣（Stephy）和龔慈恩的18歲女兒林愷鈴（Ashley）亦是首次去時裝周。
留兩天見到純妃
秦嵐被不少太太fans集郵，她透露只留米蘭兩天：「很開心，昨天有看到純妃（王媛可），今天還有很多好朋友。」問到認識董潔嗎？她說：「其實我們之前在《舞林大會》有見過，很開心又見面了。」董潔自言平日打扮較簡單：「我們是很好朋友，在北京時因為太忙都沒時間見，反而經常因為一些工作而有機會碰面，很開心。」同場還有Nicki Minaj、日本女星渡邊直美、韓星高俊熙等。
Stephy拍拖歐遊
Stephy由米蘭一路殺去巴黎睇騷，中段更跑去佛羅倫斯玩，與男友邱勝翊（王子）更是首次拍拖歐遊，她說：「佢都去巴黎睇騷，但我哋唔係睇同一場騷，所以睇騷唔會同場，但會抽時間食飯、碰面，第一次一齊歐遊，工作中拍拖囉！」首次到米蘭，她最想shopping：「嚟嗰時四個女仔九個大篋，走嗰時可能十九個篋。」
龔慈恩全程帶着女兒Ashley，出入為她打點、睇騷時影相，又陪做訪問，認真是二十四孝媽咪，龔慈恩說：「今次嚟係做攝影，佢做嘢我好少跟住，佢唔鍾意我跟，咁啱好耐冇一齊去旅行，所以一齊。」
採訪：林妙萍
攝影：郭賢興
|
鍾意就快D Share啦！
|
|
|