網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年9月21日 星期五

【中美堅打貿易戰】交手反面收場 純官最有資格評Donald Trump:佢依家做咗總統﹗(足本版)| __,純官,鄭家純,

中美堅打貿易戰,相信最有「資格」評論DonaldTrump嘅就係新世界發展(017)主席鄭家純。昨日新世界發展業績會上,壹仔記者提問如何評價Donal ...




中美堅打貿易戰,相信最有「資格」評論Donald Trump嘅就係新世界發展(017)主席鄭家純。昨日新世界發展業績會上,壹仔記者提問如何評價Donald Trump作風,純官聽罷問題後,需要由長子鄭志剛在耳邊提示,想了20秒才回答,「Donald Trump同佢交過手,熟悉佢嘅,佢依家做咗總統,總統有佢總統嘅風格,好難評論佢點樣做法。」似乎對於呢位昔日的對手不欲多談。

一代地產大亨Donald Trump都試過出事,九十年代美國地產市道低迷,Donald Trump刹到來香港撲水,引入以鄭裕彤為首,羅康瑞、邱達昌及梁昌的財團;入股Donald Trump在紐約火車站買入的地皮70%股份,發展為River South豪宅盤。

同樣身邊多多女人的彤叔,同Donald Trump 十分投契,有次 Donald Trump來港,彤叔搵埋老友明家福及其女兒明美蓮招呼呢位「紐約吋嘴」,仲在淺水灣大宅宴請Donald Trump。不過無論講嘢同食嘢都咁「嘴刁」的特朗普,食完餐飯就「四圍唱」,指餐飯條魚不好吃!特朗普食得多好嘢,你當他是普通花貓咩?

後來純官把地皮發展成River South正面同Donald Trump交手,都係反面收場!事源美國地產市況好轉後,香港一眾財團把持有的 River South項目的股份,賣給一個基金獲利退場。點知特朗普出「賤招」,入稟控告他們賤賣資產,仲揾個人頭出嚟「抬價」話願意高啲價去買。當日羅康瑞都話Donald Trump喺癲㗎!最後Donald Trump敗訴,都輸人唔輸陣話自己贏!未知純官回望這位美國總統有無乜嘢講呢?他的家族公司周大福,都有唔少資產係美國噃。不過,純官堅稱貿易戰與他無關:「我想影響不會太大,我覺得貿易戰當然有一定影響,但在新世界或周大福來說,周大福都是注重內銷市場 新世界方面主要都係內需,主要都係買樓嘅剛性需求,所以影響不太大。」

撰文:財經組

拍攝:林志謙

鍾意就快D Share啦!