同潘燦良拍拖22年嘅蘇玉華，噚晚喺社交網留言寫道︰「這是值得記（紀）念的一天。」此留言一出，唔通佢同潘燦良有喜事，要結婚？
蘇玉華唔少好友紛紛留言祝賀佢，好似甄詠蓓留言︰「唔知乜事，恭喜咗先。」另一位好友楊英偉留言問︰「答應結婚？」有朋友就回應話︰「不是一早答應了嗎？」連韓馬利都留言︰「一定係值得開心高興的日子。」不過蘇玉華就未有作出回覆。
今日《蘋果》打過畀蘇玉華，問佢係咪結婚？佢聽到就笑話︰「哎吔，唔係你哋諗嘅嘢，（咁噚日係咩日子，咁值得紀念？）唔講得住，（咁係唔係結婚呀？）唔講啦，遲啲會同大家講。」咦！究竟係咩呢？
其實潘燦良同蘇玉華拍咗拖22年，男友曾自爆喺日本雪地求過婚，當時蘇玉華感動到喊晒，而且求婚唔只一次，蘇玉華都有答應，不過潘燦良坦言話自己懶，一直未動身完婚，但早已視對方是家人。
精選娛聞，喺晒《娛果》：
http://fb.com/appledailyent
|
鍾意就快D Share啦！
|
|
|