38歲失婚張栢芝前日公佈誕下第三胎兒子，「小王子」已經滿月了，連日活躍微博嘅栢芝，今早自爆行蹤搭飛機離港，貼咗一張身處香港機場嘅相片，原來栢芝係帶埋兩個兒子Lucas同Quintus出遊，仲有紋身細佬張豪龍，有網民影到四人出發嘅相片貼微博，話佢哋一行四人飛新加坡，但未見「小王子」同行。
相中嘅栢芝着橙色外套襯牛仔熱褲晒腿，十分吸睛，雖然產後僅1個月，但栢芝修身得好快，雙腿未見腫脹；而工作室亦在微博留言指栢芝嘅聖誕假期開始，噚晚仲貼咗「小王子」嘅滿月蛋糕相。而之前有傳「小王子」嘅生父可能係大陸富豪孫東海或新加坡富豪，栢芝噚日就喺微博作出否認，指傳聞是假的，但今日咁橋又飛新加坡，似乎栢芝對新加坡特別有感情。
不過，「小王子」啱啱才滿月，媽咪栢芝就飛去新加坡過聖誕，「小王子」起碼有10日見唔到媽咪，唔知會唔會好掛住媽咪呢？有網民都疑惑點解唔見小王子同行，之前又有傳聞栢芝呢胎係人工受孕，所以有網民留言：「這麽快就撇下老三了？看來在她心裏還是老大老二重要啊！自然生和人工生還是有區別的。」不過，亦有網民撐栢芝：「小王子太小」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|