網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年2月20日 星期三

戴夢夢:胡渭康同林建名裸浸 戴夢夢雪卵最驚暴肥 __,戴夢夢,林建名,胡渭康,

大名娛樂老闆林建名今晚率領旗下一眾藝人包括戴夢夢、胡渭康(William)、陶枳樽等,出席公司的新春團拜活動。其中夢夢與William一同受訪,透露早 ...


大名娛樂老闆林建名今晚率領旗下一眾藝人包括戴夢夢、胡渭康(William)、陶枳樽等,出席公司的新春團拜活動。其中夢夢與William一同受訪,透露早前聯同老闆、老闆女兒及其老公去日本旅行兼浸溫泉,夢夢大爆老闆講笑問:「唔係一齊(浸)咩?」William搶話:「你唔乖囉!我就同老闆浸,咩都見到!肉帛相見!(唔尷尬?)冇,佢先係最大方嗰個,我就守尾門,好感恩老闆當我哋屋企人咁安排最靚、最好嘅衣食住行,可以過一個豐盛豬年,係個好開始。」

夢夢自爆旅程期間Shopping主攻糧食:「買咗好多米、蕎麥麵,搞到超重要自己拎上機,豐衣足食呀!」至於William就笑話自己冇Shopping癮,但都買了不少食用金箔產品,又乘機揶揄夢夢:「識買就買呢啲,點會糴米呢?講智商!」被激親的夢夢反擊:「我都有買金箔,富貴榮華、又豐衣足食!」記者笑指夢夢邁向賢妻之路,William聞言即爆夢夢正準備當中:「趁更年期之前準備吓生B,老闆名言『嫁唔嫁唔緊要,生咗會贊助奶粉錢』。」夢夢即刻耍手擰頭話唔急,問到幾時拎福利?她大笑話:「一世受用,唔急,但可以諗吓。」二人大放笑彈,認真爆笑!

原來夢夢都有考慮過雪卵:「係爸爸、媽媽提議,佢哋話如果覺得事業忙冇時間,趁年紀細早啲雪定,所以都有晒資料,睇過晒,係未實行。」William再次插嘴表示:「如果見到佢暴肥,就係做緊啲前期工作。」而夢夢都指最驚暴肥:「會好辛苦,所以要再考慮吓。」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!