網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年2月20日 星期三

張敬軒私傳溝仔秘技 幫女粉伴奏求愛冧歌! __,張敬軒,

張敬軒不愛花巧,認為最好的示愛方式就是折現。
張敬軒私傳溝仔秘技幫女粉伴奏求愛冧歌!樂壇獎王張敬軒化身《東方日報》全新節目《我和星星有個約會》的「Sing級導師」,助女Fans進行求愛大作戰!除了 ...


張敬軒私傳溝仔秘技 幫女粉伴奏求愛冧歌!

樂壇獎王張敬軒化身《東方日報》全新節目《我和星星有個約會》的「Sing級導師」,助女Fans進行求愛大作戰!除了借出2,000萬錄音室、親自教唱情歌及私傳溝仔必殺技外,更附送零距離擁抱以示鼓勵!不過自認「內斂型」的軒仔最怕搞花臣,笑言如要奪其歡心,現金最實際!

《東方日報》全新重磅節目《我和星星有個約會》請來暱稱「皇上」的軒仔「御駕親征」,首集就為幸運女歌迷Rachel圓夢,教她唱情歌溝仔!Rachel又驚又喜,偕充當「定心丸」的兩位朋友齊齊來到偶像的「核心地頭」雅旺錄音室,誠心請教翻唱陳曉東的《心有獨鍾》向心儀對象表白,她說:「想向一個我鍾意咗好耐嘅男仔表白,月底佢生日會有個朋友聚會,到時有個Live band,我就可以同佢唱呢首歌!」軒仔聞言笑說:「嘩,好冧喎!依家啲女仔真係好主動!」

送抱抱打氣

教Rachel唱歌前,軒仔先陪她練開聲,並直接問:「你自己覺得點呀?溝唔溝到仔呀?」Rachel坦言:「好似唔唱好啲,嚇親佢!」見她如此有要求,軒仔亦不敢怠慢,先找出她的Key,再以鋼琴伴奏,發覺走音時立即糾正,更傳授「軒式」唱歌技巧:「其實唔一定下下要求唱到好似職業歌手咁,反而會嚇親佢,呢啲叫Organic,誠意搭夠,但自己要返去練,今日時間有限。」

Rachel自覺唱功一般,不過有軒仔指導,冇有怕!
  • Rachel自覺唱功一般,不過有軒仔指導,冇有怕!

  • 放大圖片

經軒仔指導後,Rachel歌藝大有進步,但似乎仍欠信心,她直問軒仔:「有冇咩秘訣畀我追到呢個男仔?」軒仔立即傾囊相授,變身「戀愛專家」畀意見:「男仔對女仔冇咁多要求,女仔唱歌畀男仔聽,好少會覺得冧,因為男仔好怕畀反應,特別係我呢啲咁內斂型嘅人。」隨即提供貼士:「一定要畀埋練歌呢段片佢睇,咁就實得!」臨近尾聲,軒仔不諱言Rachel唱歌冧仔成數不高,但仍祝福她得米:「祝你好運,快啲搵到你嘅白馬王子!」並送上「愛的抱抱」為她加油,同時滿足埋同是其歌迷的Rachel朋友,逐個簽名及送上「集郵」機會,一次過滿足她們的願望!

唔愛花臣叫折現

Rachel達成心願後,坦言有機會跟偶像唱歌,感覺是「發夢都估唔到」,並自爆其表白對象其實近在眼前:「頭先話鍾意咗好耐嘅男仔就係軒仔,希望佢可以接受我呢份愛意。我由小學開始已經鍾意佢,佢嘅優點真係多到不能盡錄,希望佢會收到」至於軒仔是否「收到」?昨日他看過Rachel的「示愛」片後,驚訝到O晒嘴:「原來嗰個人係我,唉!好啦。」他大讚Rachel相當有心,又笑說:「但真係唔使搞咁多嘢,下次折現得」

除了教唱歌,軒仔仲送上愛的抱抱打氣。

  • 除了教唱歌,軒仔仲送上愛的抱抱打氣。
錄音室處處是寶,器材價值不菲!

  • 錄音室處處是寶,器材價值不菲!





鍾意就快D Share啦!