東華三院主席王賢誌（Vinci）現身「東華三院 誌友共聚 慈善音樂會」，提到前港姐李珊珊是音樂會的神秘嘉賓，他說：「綵排時係以李小姐稱呼佢，呢個係佢要求，想保持神秘，咁會令佢舒服啲。」李珊珊已有一段時間未有露面，是次原來是她主動聯絡Vinci自薦出席，Vinci說：「事緣歡樂滿東華時我想搵佢行Catwalk，但嗰時佢未準備好，後來佢見我喺社交平台話有呢個活動，就主動打畀我話嚟支持，估唔到佢會打畀我。」他續說：「雖然佢狀態未十足十，但好幫我，知我就快卸任主席一職。」
而珊珊將會在現場作分享，至於分享的內容，連Vinci也不知道，他說因稿是由珊珊親自撰寫：「佢係以過來人身份講呢幾年嘅感受，今次活動為癌症基金籌備，其實佢冇講過自己有乜嘢病，亦唔係Cancer。（支持佢復出？）當然支持，佢成日有寫嘢，又喺社交平台同粉絲分享，粉絲都好想佢快啲出嚟，希望佢快啲恢復狀態，身體健康，但唔好畀咁大壓力佢，佢身形和狀態未係好似之前咁，要畀正面能量佢。（佢戰勝病魔令你好感動？）呢兩三年其實冇見佢，都係透過WhatsApp，每次佢都唔係即覆，有時後來先知佢入咗醫院，每次留院十日八日，希望畀啲空間佢，等佢準備好出嚟會做多啲嘢。」他稱是次活動卡士強勁，全部碌自己人情卡，故希望能籌到幾百萬善款。
來源 source: http://hk.on.cc
|
鍾意就快D Share啦！
|
|
|