柳影虹重親情，她19歲與前夫生下女兒時，感恩當年事業搏殺期，母親代為照顧女兒。她腰傷好轉後想復出，但父母相繼患癌，她惟有放棄事業。談起兩老，她慨嘆健康寶貴︰「我45歲嗰年爸爸癌症，一驗就話佢係腸癌末期，當時我崩潰咗，同無綫提前解約，佢捱咗一年就走咗。自此媽咪就黐到我實，佢三個鐘聽唔到我電話，就會發脾氣掟嘢，我貼身照顧咗佢十年，媽媽又因為膽管癌離世，我慶幸陪佢哋過埋人生最後日子。」
柳影虹續說︰「爸爸、媽媽後期失禁，趕唔切去廁所，唔知幾多次要用手幫佢接住啲黃金，幫佢洗片洗到我雙手爛晒，後來先識改用紙尿片。」談及愛女Joy，兩母女經常親嘴行孖咇。她最大心願想抱孫，可惜女兒不肯生育，令她深感遺憾︰「我想個女憐憫我，畀個孫我，佢都44歲，我知道好渺茫，佢連婚都唔想結。」
相關新聞：同班萬梓良勁大食
來源 source: http://hk.entertainment.appledaily.com
|
鍾意就快D Share啦！
|
|
|