蘇永康新歌「ALL THAT JAZZ」MV 將於下星期一新鮮出爐，今次特別請了好友張繼聰助陣拍攝，張繼聰自爆是阿公忠實Fans，求學時期考試靠唱阿公hit歌攞分，更被讚揀歌有taste！如今二人已為人父，每次相見必暢談仔女經，今次MV張繼聰與小演員做對手戲，他大施氹仔功，令得小朋友乖乖演出！
「ALL THAT JAZZ」的MV除了有張繼聰、小演員，還有扮演媽咪的胡琳，這首歌是講及父子情及家庭樂，在MV中張繼聰有個幸褔家庭，已為人父的他與兒子玩成一片、毫無難度，更不時流露出一副慈父相教小演員演出，令拍攝進度火速完成！
張繼聰笑言，好開心再有機會拍MV，因為他已經暗地裹淡出了樂壇，今次他拍這首歌是因為覺得很有意義，相信每個家庭也會有共鳴，令父母反省是否一定要將自己的一套強硬加添在子女身上呢？ 張又表示，很期待阿公與中樂團的演出，不過他笑言到時只會去看不會上台唱歌，因為現在他唱歌會很緊張！更爆料說：「以前我喺演藝學院讀書，每次考唱歌都會唱阿公的歌，本來老師話我唱歌窄窄哋，不過好在我有taste唱佢啲歌，所以先合格，之後去酒廊唱歌都會唱阿公的歌。」
蘇永康說：「今次邀請阿聰幫手係因為我哋兩家人都好熟，我見過你個大仔阿詹都幾活潑，你哋嘅相處方法幾有趣，所以搵咗你拍！我自已個仔只有21個月大，唔知將來相處會唔會好似你哋咁緊扣，所以我將呢個諗法講畀Wyman知，等佢填歌詞時有啟發，再加上阿聰嘅演繹方法去做。」
即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|