藝人朱茵與陳法蓉孖住現身好友原子鏸的婚禮，她們表示送了利是以及無限的祝福，希望一對新人日後甜甜蜜蜜。問到之前可有見過新郎？她們稱相片看得多，但真人第一次見，朱茵大讚新郎高大有型，陳法蓉亦附和：「我發覺佢真人靚仔過上鏡，睇相覺得佢好搞笑，但今日着住套禮服成個人Sharp醒晒！」
問到人妻朱茵可有向一對新人傳授夫妻相處之道？她坦言：「結婚後由蜜月期好快返回現實，一對夫婦就會為工作同家庭嘅鎖碎事，有好多問題，只要相愛，好多事都可以迎刃而解。」至於仍是單身的陳法蓉開玩笑指今晚會在會場不時走動，不經意地讓異性接近自己，問她可接受跟外國人拍拖？她說：「都可以，因為我以前都同過外國人拍拖，係講緣分。」
至於朱茵可有為好姊妹介紹男仔？朱茵稱陳法蓉對此很抗拒：「唔可以咁，因為佢好怕呢樣嘢，如果要介紹畀佢識，要好偶遇嘅情形下。總之你永遠唔知你另一半幾時現身。」陳法蓉即補充說：「係，以前有朋友試過，一知道佢介紹畀我，我就好唔舒服，除非介紹個情形係偶遇到連我都唔知，咁佢真係好叻，緣分嘅嘢就隨緣」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|