模特兒林凱欣去年以37歲高齡推出第二本寫真集，之後爆出在小巴與乘客爭執，成為2018的話題女郎，幕前工作量不算多，但她一直生活無憂，認真財來自有方。
名店熱情款待
早前見她獨自現身尖沙咀專攻名店，行了多間不過都是齋看沒有內進，甚忍得手，後來轉攻海港城，進入一間名店，在二樓獲店員殷勤招待，其後她回覆表示只是做手袋維修：「我個袋個扣甩咗，問吓維修保養嘅問題，（依家係咪少幕前工作？）幕前有工作照做，但其實係想做多啲幕後，原本嚟緊會幫手搞個選美活動，做佳麗保母，點知又擱置咗，依家做網台巴打台主持。」
三層樓揸手唔憂做
另外，她表示會幫手籌備同𡃁模出寫真，自任經理人，會四出找尋適合的靚女，出過寫真的她自言更在行。她更自爆生活無憂，原因已有三層樓揸手，她說：「以前我一日打兩份工，入行前已經儲夠首期買咗元朗一個單位，後來樓換樓成功搬出市區，買咗奧運站附近物業自住，後來再買咗旺角和大阪各買一個細單位用作放租，租金回報每月都有萬幾，自己又有買股票同基金，有時接吓模特兒工作，勉強唔使做，慳慳哋夠用。」
小巴事件有手尾
問到是否對幕前心淡，她直言小巴爭執事件後餘波未了，事件至今仍不停收到電話騷擾，她說：「不過我冇理，朋友叫我轉電話號碼，點解要改電話？（對幕前心淡？）娛圈不嬲都有潛規則，有啲仲講到明要陪，講真陪完又做到主角咩？」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|