Hannah，好大個要好好錫媽咪呀！
前港姐冠軍張嘉兒的細女之前「逾期居留」，過了五月頭的預產期還未出世，不過終於帶來喜訊，B女已經出世，重七磅多，英文名叫Hannah，恭喜恭喜！
嘉兒今日還專登請攝影師為他們影靚相，她接受東網獨家訪問時更大爆驚險事：「今次我都係順產，但今次生痛過上次好多，今胎雖然落產房後三個鐘頭多就生咗，但真係好痛，而且生時仲有啲驚險事發生！原來BB出嚟時，醫生話條臍帶箍咗佢條頸三圈，好似戴咗三條頸巾仔咁，好在有驚冇險，好快發現亦好快解決咗，最終都順產出世。」
問到有否被此嚇親，嘉兒謂：「我當時只係掛住Focus用力生，同埋都好痛，醫生都係事後BB出咗嚟冇乜事先同我講，醫生好專業，可能佢覺得好有信心處理到，所以費事影響我，但聽番我就好驚囉！」嘉兒又指醫生表示此情況並不常見，一年只遇到一次，她又說：「不過今次同上一胎一樣，都有痛到嘔，我又冇用無痛分娩，所以超級痛！但好搞笑，今胎我堅持喺屋企等耐啲先入醫院，點知去到醫院原來已經開到3度，老公都有入產房剪臍帶！」
來源 source: http://hk.on.cc
|
鍾意就快D Share啦！
|
|
|